Համայնքի արխիվից փաստաթղթի կրկնօրինակը ստանալու համար անհրաժեշտ է դիմել համայնքապետարան` գրավոր կամ բանավոր ձևով: Արխիվավարի կողմից ստուգվում է բնակչի ինքնությունը և ճշտվում է նրա իրավասությունը տվյալ արխիվային փաստաթղթի կրկնօրինակը ստանալու համար: Ճշտումից հետո փնտրվում է փաստաթուղթը` հայտնաբերման դեպքում բնակչի կողմից վճարվում է տեղական վճար 900105202064 հաշվեհամարով` յուրաքանչյուր փաստաթղթի համար 1000դրամ: Այնուհետև պատրաստվում է պահանջվող փաստաթղթից 2 օրինակ: Կրկնօրինակները ներկայացվում են աշխատակազմի քարտուղարին` հաստատվելու համայնքապետարանի կնիքով և տրվում է «Իսկականի հետ ճիշտ է» մակագրություն: Փաստաթղթի բնօրինակն արխիվացվում է: Արխիվից փաստաթղթերի տրամադրման մատյանում նշվում է տրված փաստաթղթի համարը, տեսակը, ստացողի անունը, ազգանունը և ստորագրությունը: Բնակչի ստորագրությամբ նրան է հանձնվում փաստաթղթի մեկ օրինակը: Փաստաթղթի 2-րդ օրինակը վճարման անդորրագրին կից արխիվացվում է:
Բյուրեղավանի համայնքապետարանի հասցեն է` ՀՀ Կոտայքի մարզ, համայնք Բյուրեղավան, քաղաք Բյուրեղավան , Վազգեն Ա Վեհափառի փողոց, թիվ 1 վարչական շենք