Տեղեկացնում ենք, որ Մտավոր սեփականության համաշխարհային կազմակերպության (այսուհետ՝ ՄՍՀԿ) «WIPO Global Awards» ծրագրին մասնակցելու նպատակով հայտադիմումներ կարող եք ներկայացնել տնտեսության բոլոր ոլորտներում ակտիվ ստարտափերը և ՓՄՁ-ները, ընդ որում, գրանցված ՓՄՁ սուբյեկտները կարող են ունենալ ոչ ավել քան 300 աշխատակից և 15 մլն դոլար տարեկան շրջանառություն, ինչպես նաև պետք է ունենան ապրանքների (ծառայությունների) արտահանում առնվազն մեկ երկիր, իսկ երեք տարուց ոչ ավելի վաղ գրանցված ստարտափների աշխատակիցների քանակը չի կարող գերազանցել 50-ը, ստարտափը պետք է փոխկապակցված լինի բիզնեսին աջակցող (ինկուբատոր, աքսելերատոր կամ այլ նմանատիպ) կազմակերպության հետ և հաստատի իր պայմանավորվածությունը առնվազն մեկ առևտրային հաճախորդի հետ կամ ունենա մեկ ավարտուն առևտրային վաճառք կամ ապահովել է համագործակցություն առնվազն մեկ ներդրողի հետ։
Ընդունվում են այն հայտադիմումները, որոնք օգտագործում են մտավոր սեփականության բոլոր ձևերը՝ սկսած հեղինակային իրավունքից մինչև ապրանքային նշաններ, արտոնագրեր և աշխարհագրական նշումներ: Մրցանակաբաշխության անկախ ժյուրին կընտրի մինչև յոթ հաղթողների խումբ ամբողջ աշխարհից: Հաղթողները կստանան տարբեր հարթակների միջոցով միջազգային առաջխաղացման և ճանաչման հնարավորություն, կհրավիրվեն մասնակցելու ս.թ. հուլիսին ք. Ժնևում ՄՍՀԿ Գլխավոր ասամբլեայի ժամանակ կայանալիք մրցանակաբաշխությանը, ինչպես նաև կներգրավվեն անհատականացված մենթորության ծրագրին:
Խնդրում ենք՝ մինչև ս.թ. փետրվարի 22-ը Էկոնոմիկայաի նախարարություն ներկայացնել մասնակցության հայտը։
Հավելյալ տեղեկատվություն ստանալու համար կարող են դիմել գյուղատնտեսական խորհրդատվության և նորարարությունների վարչության խորհրդատվության բաժնի պետ Մերինե Աթոյանին (էլ-փոստ` merine.atoyan@mineconomy.am) 011297428 հեռախոսահամարով: