Պաշտոնական խորհրդային տարբերակի համաձայն` 1895թ-ի մայիսի 7-ին (հին օրացույցով` ապրիլի 25-ին) ռուս ֆիզիկոս Ալեքսանդր Պոպովը նախագծեց առաջին ռադիոընդունիչը և իրականացրեց ռադիոկապի սեանս (չնայած որոշ քննադատների կարծիքով ռադիոհաղորդման առաջին սեանսը իրականացրել է Հենրիխ Հերցը): Պոպովի ստեղծած ռադիոընդունիչը հետագայում ձևափոխության է ենթարկել Օլիվեր Լոջը, իսկ ռադիոհամակարգի առաջին խոշոր նախագիծը 1895թ-ին առաջարկել էր Գուլյելմո Մարկոնին (այն իրականացվեց 1901թ-ին):
Խորհրդային Միությունում մայիսի 7-ն առաջին անգամ հանդիսավոր կերպով նշվեց 1925թ-ին, իսկ 1945թ-ից այդ օրը ամեն տարի պաշտոնապես տոնվում է որպես "Ռադիոյի օր":
Ներկայումս մայիսի 7-ը զանազան հանդիսություններով տոնում են նախկին Խորհրդային Միության բոլոր հանրապետություններում, այդ թվում` Հայաստանում: