Հունվարի 11-ը համարվում է տարվա "ամենաքաղաքավարի" ամսաթիվը. այսօր նշվում է "Շնորհակալության" համաշխարհային օրը:
Մարդիկ լավ են գիտակցում գեղեցիկ վարվելակերպի նշանակությունը, անհրաժեշտությունը իրենց առօրյա կյանքում, սակայն երախտագիտության մեծ մասը արտահայտում են` առանց դրա իմաստը հասկանալու: Բայց չէ որ երախտագիտության խոսքերը մոգական հատկությամբ են օժտված. նրանվ միջոցով մարդիկ միմյանց ուրախություն են պարգևում, ուշադրություն ցուցաբերում, առանց որի մարդը չի կարող: Հոգեբանները համոզված են, որ երախտագիտության խոսքերը բանավոր "շոյանքներ" են, որոնք ընդունակ են հանգստացնել ու ջերմացնել դիմացինի սիրտը: Կարևորը, որ "շնորհակալությունը" հնչի մաքուր սրտով: Պատահական չէ ժողովրդի մեջ հնուց եկած այն հավատալիքը, որ երախտագիտության խոսքերը չի կարելի արտահայտել գրգռված վիճակում: