Հանձնարարվեց.
Մ․ Սուքիասյանին՝
-ստեղծված աշխատանքային խմբի կողմից իրականացվող գործողությունների շրջանակում գույքագրել Բյուրեղավան համայնքի վարչական տարածքում առկա հնամաշ ավտոմեքենաները, շինանյութը, շինարարական աղբը, գոմաղբը և ներկայացնել ցանկը։
Վ․ Հայրապետյանին և Մ․ Խաչատրյանին՝
-հաջորդ շաբաթվա ընթացքում կազմակերպել համայնքի տոնածառի լույսերի վառման ամանորյա միջոցառում։
Մ․ Խաչատրյանին՝
- աջակցել համայնքի տոնածառի զարդարման աշխատանքներին՝ դրանում ներգրավելով համայնքի երիտասարդներին և դպրոցականներին,
- իրականացնել ամանորյա նվերներ ձեռք բերելու աշխատանքներ՝ միջոցառմանը համայնքի փոքրիկներին նվիրելու համար։
Ս․ Ղազարյանին՝
-ուսումնասիրել համայնքի փողոցային լուսավորությունը արևային վահանակի փողոցային լույսերով իրականացնելու հնարավորությունները և ներկայացնել առաջարկություն,
- Բյուրեղավան համայնքում 144 տեղ հզորությամբ մսուր-մանկապարտեզի կառուցման աշխատանքների մրցույթը դեռևս հրապարակված չլինելու վերաբերյալ ՀՀ քաղաքաշինության կոմիտեի նախագահին ուղղված գրություն նախապատրաստել։
Վ․ Մարտիրոսյանին՝
-շատ արագ իրականացնել համայնքում սալարկման աշխատանքների ձեռք բերման մրցույթի հրապարակման աշխատանքները։
Լ․ Ավուշյանին՝
- ներկայացնել «Առողջ Սունկ» ընկերության հետ կնքված եռակողմ պայմանագիրը։
Մ․ Կարապետյանին՝
-նյութ հրապարակել համայնքի բյուջեի միջոցներով Նուռնուս գյուղի 1-ին փողոցում անցկացված նոր խմելու ջրագծի վերաբերյալ։
Տ․ Հովսեփյանին՝
-համայնքի գլխավոր հատակագծի վերաբերյալ ՀՀ քաղաքաշինության կոմիտեի պատասխան գրությունն ուսումնասիրել և ներկայացնել կարծիք։ |