Համայնքի հարգելի՛ բնակիչներ

/Բյուրեղավան, Նուռնուս, Ջրաբեր/, տեղեկացնում ենք՝ բոլոր այն ֆիզիկական և իրավաբանական անձիք, ովքեր ունեն անշարժ գույքի հարկի պարտքեր՝ խնդրում ենք վճարել սահմանված ժամկետներում: Հարկային պարտավորությունները չկատարելու դեպքում օրենքով սահմանված կարգով կհաշվարկվի տույժ: Հարկերի վճարման վերջնաժամկետը ԴԵԿՏԵՄԲԵՐԻ 1-ն է: Կրկին հիշեցնում և հորդորում ենք վճարել հարկերը՝ խուսափելով ավելորդ վճարումներից Հարկը չվճարելու դեպքում տույժերը կհաշվարկվեն օրենքով սահմանված կարգով։ Պարտավորությունների կատարման համար խնդրում ենք այցելել Բյուրեղավանի համայնքապետարան կամ մուտք գործել pay.e-community.am` համայնքների եկամուտների կառավարման միասնական համակարգ:

ՀՀ ԿՈՏԱՅՔԻ ՄԱՐԶԻ ԲՅՈՒՐԵՂԱՎԱՆ ՀԱՄԱՅՆՔԻ

ԱՎԱԳԱՆՈՒ ՅՈԹԵՐՈՐԴ ՆՍՏԱՇՐՋԱՆԻ ԱՐՏԱՀԵՐԹ ԹԻՎ 10 ՆԻՍՏԻՆ ՄԱՍՆԱԿՑԵԼՈՒ ՀԱՄԱՐ

      ՀՐԱՎԻՐՎԱԾՆԵՐԻ ՑՈՒՑԱԿ

ՀՀ Կոտայքի մարզի Բյուրեղավան համայնքի Բյուրեղավան քաղաքի Մշակույթի տան փոքր դահլիճում (հասցեն՝ քաղաք Բյուրեղավան Զորավար Անդրանիկի փողոց) 2025 թվականի հոկտեմբերի 23-ին, ժամը 10:00-ին կայանալու է Բյուրեղավան համայնքի ավագանու յոթերորդ նստաշրջանի արտահերթ թիվ 10 նիստը:

Օրակարգում՝

1.Հայաստանի Հանրապետության Կոտայքի մարզի Բյուրեղավան համայնքի 2025 թվականի բյուջեի երրորդ եռամսյակի կատարման ընթացքի մասին։

2.Հայաստանի Հանրապետության Կոտայքի մարզի Բյուրեղավան համայնքի ավագանու 2017 թվականի նոյեմբերի 23-ի N 03-Ա որոշման մեջ փոփոխություններ կատարելու մասին։

3.Հայաստանի Հանրապետության Կոտայքի մարզի Բյուրեղավանի քաղաքային համայնքի ավագանու 2003 թվականի հունիսի 28-ի թիվ 8/2 որոշման մեջ փոփոխություն կատարելու մասին։

4.«Հայաստանի Հանրապետության պետական բյուջեից նպատակային հատկացումներ՝ սուբվենցիաներ ստանալու նպատակով «Բյուրեղավան համայնքի Բյուրեղավան քաղաքի եկեղեցու հարակից քաղաքային զբոսայգու հիմնանորոգման աշխատանքներ» ծրագիրը հաստատելու մասին:

5․Նախատեսվող գործունեության իրականացմանը նախնական անհամաձայնություն տրամադրելու մասին։

6.Նախատեսվող գործունեության իրականացմանը նախնական համաձայնություն տրամադրելու մասին։

7.Հայաստանի Հանրապետության Կոտայքի մարզի Բյուրեղավան համայնքի սեփականություն հանդիսացող հողամասն ուղղակի վաճառքի ձևով օտարելու և Բյուրեղավան համայնքի ավագանու 2023 թվականի ապրիլի 13-ի N 33-Ա որոշումն ուժը կորցրած ճանաչելու մասին:

8.Հայաստանի Հանրապետության Կոտայքի մարզի Բյուրեղավան համայնքի ավագանու յոթերորդ նստաշրջանի հերթական նիստի գումարման օրը սահմանելու մասին։

ԾԱՆՈԹՈՒԹՅՈՒՆ - Ավագանու որոշման նախագծերին մանրամասը ծանոթանալու համար կարող եք դիտել «ՏԻՄ - Համայնքի ավագանի - Ավագանու նիստեր - Թիվ 7/10» բաժինը: 

Համայնքի հարգելի՛ բնակիչներ

Տեղեկացնում ենք, որ այսուհետ «Շտապբուժօգնություն» ծառայության կանչերն ընդունելի են միայն 1-03 հեռախոսահամարով։ «Անդրանիկ Պետրոսյանի անվան Բյուրեղավանի քաղաքային պոլիկլինիկայում» գործող շտապ կանչերի նախկին հեռախոսահամարներն այլևս չեն գործու

Հավելված 

Բյուրեղավան համայնքի ղեկավարի
2025 թվականի հոկտեմբերի 03-ի N 513-Ա որոշման

           ԱՃՈՒՐԴԻ ՀԱՅՏԱՐԱՐՈՒԹՅՈՒՆ

1.Բյուրեղավանի համայնքապետարանը հայտարարում է համայնքային սեփականություն հանդիսացող հետևյալ գույքերի բաց դասական աճուրդ`

2. Աճուրդը կկայանա 2025 թվականի հոկտեմբերի 24-ին ժամը, 10:00-ին, Բյուրեղավանի Մշակույթի տան շենքում, (հասցեն՝ ՀՀ Կոտայքի մարզ համայնք Բյուրեղավան քաղաք Բյուրեղավան Զորավար Անդրանիկի փողոց):

3.Աճուրդին մասնակցել ցանկացողները ներկայացնում են հայտ, մասնակցության համար սահմանված չափով վճարի անդորրագիր, անձնագիր (նույնականացման քարտ), իրավաբանական անձանց համար՝ հիմնադիր փաստաթղթեր։

4. Մասնակցության վճարը սահմանված է 5000 (հինգ հազար) դրամ:

5. Նախավճարի չափը սահմանված է լոտի մեկնարկայինգնի 50 տոկոսի չափով, որը վճարվում է աճուրդի բացումից առնվազն 30 րոպե առաջ:

6. Աճուրդի քայլի չափը սահմանված է լոտի մեկնարկային գնի 5 տոկոսի չափով։

7. Լոտի  նկատմամբ սահմանափակումներ չկան:

8. Աճուրդի կանոնակարգին ծանոթանալու և հայտեր ներկայացնելու համար դիմել Բյուրեղավանի համայնքապետարան (ՀՀ Կոտայքի մարզ համայնք Բյուրեղավան ք. Բյուրեղավան Վազգեն Ա Վեհափառի փողոց թիվ 1 վարչական շենք, հեռ. 0222 6 52 03)։

9. Լոտերն ուսումնասիրելու համար դիմել համայնքապետարան յուրաքանչյուր երկուշաբթի, չորեքշաբթի և ուրբաթ օրերին՝ ժամը 9:00-13:00 ընկած ժամանակահատվածում:

10. Հայտերի ընդունումը և մասնակիցների գրանցումը դադարեցվում է աճուրդի անցկացման օրվանից երեք աշխատանքային օր առաջ` մինչև  2025 թվականի  հոկտեմբերի 20-ը, ժամը՝ 18:00:

EU4Business — աջակցություն ձեռներեցների համար -վարկեր և դրամաշնորհներ -ուսուցում և խորհրդատվություն -նոր շուկաներ մուտք գործելու հնարավորություն։ Հազարավոր բիզնեսներ արդեն օգտվում են այս աջակցությունից․ փորձե՛ք և Դուք։ Բոլոր հնարավորությունները այստեղ՝  https://eu4business.am/growth

Մեր բացատրական նյութում բացահայտե՛ք, թե ֆինանսական որ տարբերակներն են ճիշտ ձեր բիզնեսի համար՝  

https://eu4business.am/news/eight-ways-to-boost-your-business-in-armenia?fbclid=IwY2xjawNLDuZleHRuA2FlbQIxMABicmlkETE1QVZDbzlvTE9mTm9XYTZvAR5Ko50bwAEiCkpW8y7LdDMUCMfz0OfLQledsDhOJ43R9trQSmhOuT2e1HLluQ_aem_1sE5jrxuqzVqIVnDL6sNVA

Հավելված

 Բյուրեղավան համայնքի ղեկավարի
2025 թվականի սեպտեմբերի 19-ի N 487-Ա որոշման

ԱՃՈՒՐԴԻ ՀԱՅՏԱՐԱՐՈՒԹՅՈՒՆ

1. Բյուրեղավանի համայնքապետարանը հայտարարում է համայնքային սեփականություն հանդիսացող հետևյալ հողամասերի բաց դասական աճուրդ`

2. Աճուրդը կկայանա 2025 թվականի հոկտեմբերի 24-ին ժամը 11:00-ին, Բյուրեղավանի Մշակույթի տան շենքում, (հասցեն՝ ՀՀ Կոտայքի մարզ համայնք Բյուրեղավան քաղաք Բյուրեղավան Զորավար Անդրանիկի փողոց):

3. Աճուրդին մասնակցել ցանկացողները ներկայացնում են հայտ, մասնակցության համար սահմանված չափով վճարի անդորրագիր, անձնագիր (նույնականացման քարտ), իրավաբանական անձանց համար՝ հիմնադիր փաստաթղթեր։

4.Մասնակցության վճարը սահմանված է 5000 (հինգ հազար) դրամ:

5. Նախավճարի չափը սահմանված է լոտի մեկնարկային գնի 50 տոկոսի չափով, որը վճարվում է աճուրդի բացումից առնվազն 30 րոպե առաջ:

6.Աճուրդի քայլի չափը սահմանված է լոտի մեկնարկային գնի 5 տոկոսի չափով։

7.Լոտի  նկատմամբ սահմանափակումներ չկան:

8.Աճուրդի կանոնակարգին ծանոթանալու և հայտեր ներկայացնելու համար դիմել Բյուրեղավանի համայնքապետարան (ՀՀ Կոտայքի մարզ համայնք Բյուրեղավան  ք. Բյուրեղավան Վազգեն Ա Վեհափառի փողոց թիվ 1 վարչական շենք, հեռ. 0222 6 52 03)։

9.Լոտերն ուսումնասիրելու համար դիմել համայնքապետարան յուրաքանչյուր երկուշաբթի, չորեքշաբթի և ուրբաթ օրերին՝ ժամը 9:00-13:00 ընկած ժամանակահատվածում:

10.Հայտերի  ընդունումը  և մասնակիցների գրանցումը դադարեցվում է աճուրդի անցկացման օրվանից երեք աշխատանքային օր առաջ` մինչև 2025 թվականի հոկտեմբերի 20-ը, ժամը՝ 18:00:

Հարգելի՛ բնակիչներ, տարվա տաք եղանակներին մեծանում է անտառային հրդեհների թիվը: Ձեր ուշադրությանն ենք ներկայացնում «Հրդեհաշիջման և փրկարարական աշխատանքների կազմակերպումը անտառային և բուսածածկ տարածքներում առաջացած հրդեհների դեպքում» թեմայով փաստաթուղթ՝ հրդեհների կանխարգելման նպատակով:

Մանրամասները կից ֆայլում ՝

Նոր հնարավորություն քաղաքացիների համար: -Նկարիր խնդիրը -Ներբեռնիր «Տեսել եմ» հավելվածը -Ուղարկիր քո համայնքապետարանին Քեզնից ստացված ազդանշանին հետևելու են մասնագետները և կիսվեն արդյունքով։ teselem.am -«Teselem» հավելվածը հասանելի է App Store և Google Play-ում «Տեսել եմ» հավելվածի նպատակը պարզ է․ ․ ընդլայնել բնակչության մասնակցությունը տեղական ինքնակառավարմանը, ․ նպաստել համայնքային խնդիրների արագ արձագանքին, ․ բարձրացնել ՏԻՄ-երի աշխատանքի արդյունավետությունը։ -Այսուհետև համայնքը մաքուր, անվտանգ և բարեկարգ դարձնելու գործընթացում յուրաքանչյուրի ձայնն ու մասնակցությունը կարևոր դեր կունենա։

Տեսելես՝ կիսվիր, միասին կլուծենք։

ՀՀ ԿՈՏԱՅՔԻ ՄԱՐԶԻ ԲՅՈՒՐԵՂԱՎԱՆ ՀԱՄԱՅՆՔԻ

ԱՎԱԳԱՆՈՒ ՅՈԹԵՐՈՐԴ ՆՍՏԱՇՐՋԱՆԻ ՀԵՐԹԱԿԱՆ ԹԻՎ 09 ՆԻՍՏԻՆ ՄԱՍՆԱԿՑԵԼՈՒ ՀԱՄԱՐ

      ՀՐԱՎԻՐՎԱԾՆԵՐԻ ՑՈՒՑԱԿ

ՀՀ Կոտայքի մարզի Բյուրեղավան համայնքի Բյուրեղավան քաղաքի Մշակույթի տան փոքր դահլիճում (հասցեն՝ քաղաք Բյուրեղավան Զորավար Անդրանիկի փողոց) 2025 թվականի սեպտեմբերի 09-ին, ժամը 10:00-ին, կայանալու է Բյուրեղավան համայնքի ավագանու 7-րդ նստաշրջանի հերթական թիվ 09 նիստը:

Օրակարգում՝

1.Հայաստանի Հանրապետության Կոտայքի մարզի Բյուրեղավան համայնքի ավագանու 2017 թվականի նոյեմբերի 23-ի N 03-Ա որոշման մեջ փոփոխություններ կատարելու մասին։

2․Նախատեսվող գործունեության իրականացմանը նախնական անհամաձայնություն տրամադրելու մասին։

3.Հայաստանի Հանրապետության Կոտայքի մարզի Բյուրեղավանի քաղաքային համայնքի ավագանու 2003 թվականի հունիսի 28-ի թիվ 8/2 որոշման մեջ փոփոխություն կատարելու մասին։

4.Հայաստանի Հանրապետության Կոտայքի մարզի Բյուրեղավան համայնքի ավագանու յոթերորդ նստաշրջանի հերթական նիստի գումարման օրը սահմանելու մասին։

ԾԱՆՈԹՈՒԹՅՈՒՆ - Ավագանու որոշման նախագծերին մանրամասը ծանոթանալու համար կարող եք դիտել «ՏԻՄ - Համայնքի ավագանի - Ավագանու նիստեր - Թիվ 7/09» բաժինը: 

ՀԱՅՏԱՐԱՐՈՒԹՅՈՒՆ

Բյուրեղավանի  «Արև» մանկապարտեզ նախադպրոցական ուսումնական հաստատություն համայնքային ոչ առևտրային կազմակերպությունը հայտարարում է մրցույթ թափուր պաշտոնները զբաղեցնելու համար

1.Թափուր պաշտոնի անվանումը` Բյուրեղավանի  «Արև» մանկապարտեզ նախադպրոցական ուսումնական հաստատություն համայնքային ոչ առևտրային կազմակերպության Երաժշտության դաստիարակ։
1.1. Թափուր պաշտոնի դրույքաչափը`  130000 ՀՀ դրամ (1 դրույք)։
1.2. Մրցույթի անցկացման օրը, ժամը, տեղը՝ 2025 թվականի հոկտեմբերի 01-ին, ժամը 11:00-ին, Բյուրեղավանի  «Արև» մանկապարտեզ ՆՈՒՀ ՀՈԱԿ-ի շենքում (հասցեն՝ ք. Բյուրեղավան, Երիտասարդական փողոց 23/57): Փաստաթղթերի ընդունման վերջնաժամկետը՝ 2025 թվականի սեպտեմբերի 24:
1.3. Որակավորման պահանջները`հաստատության երաժշտության դաստիարակի պաշտոնը զբաղեցնողը պետք է ունենա` միջին կամ բարձրագույն մասնագիտական կրթություն` համապատասխան որակավորմամբ կամ միջին կամ բարձրագույն կրթություն` նախադպրոցական ուսումնական հաստատության դաստիարակի որակավորմամբ և երաժշտական կրթություն (երաժշտական կամ արվեստի դպրոց).

2. Թափուր պաշտոնի անվանումը` Բյուրեղավանի  «Արև» մանկապարտեզ նախադպրոցական ուսումնական հաստատություն համայնքային ոչ առևտրային կազմակերպության Ֆիզիկական կուլտուրայի հրահանգիչ։
2.1. Թափուր պաշտոնի դրույքաչափը`   97500 ՀՀ դրամ (0,75 դրույք)։
2.2. Մրցույթի անցկացման օրը, ժամը, տեղը՝ 2025 թվականի հոկտեմբերի  01-ին, ժամը 12:00-ին, Բյուրեղավանի  «Արև» մանկապարտեզ ՆՈՒՀ ՀՈԱԿ-ի շենքում (հասցեն՝ ք. Բյուրեղավան, Երիտասարդական փողոց 23/57): Փաստաթղթերի ընդունման վերջնաժամկետը՝ 2025 թվականի սեպտեմբերի 24:
2.3. Որակավորման պահանջները`հաստատության ֆիզիկական կուլտուրայի հրահանգչի պաշտոն զբաղեցնողը պետք է ունենա միջին կամ բարձրագույն մասնագիտական կրթություն՝ համապատասխան որակավորմամբ կամ միջին կամ բարձրագույն կրթություն` նախադպրոցական ուսումնական հաստատության դաստիարակի որակավորմամբ և վերջին տասը տարվա ընթացքում ֆիզիկական կուլտուրայի հրահանգչի առնվազն երեք տարվա ստաժ։

3. Թափուր պաշտոնի անվանումը` Բյուրեղավանի  «Արև» մանկապարտեզ նախադպրոցական ուսումնական հաստատություն համայնքային ոչ առևտրային կազմակերպության Հոգեբան։
3.1. Թափուր պաշտոնի դրույքաչափը`   65000 ՀՀ դրամ (0,5 դրույք)։
3.2. Մրցույթի անցկացման օրը, ժամը, տեղը՝ 2025 թվականի հոկտեմբերի 01-ին, ժամը 13:00-ին, Բյուրեղավանի  «Արև» մանկապարտեզ ՆՈՒՀ ՀՈԱԿ-ի շենքում (հասցեն՝ ք. Բյուրեղավան, Երիտասարդական փողոց 23/57): Փաստաթղթերի ընդունման վերջնաժամկետը՝ 2025 թվականի սեպտեմբերի 24:
3.3. Որակավորման պահանջները`  հաստատության հոգեբանի պաշտոն զբաղեցնողը պետք է ունենա բարձրագույն մասնագիտական կրթություն:

Մրցույթին մասնակցելու համար անձը տնօրենին կամ տնօրենի կողմից նշանակված պատասխանատու աշխատակցին է ներկայացնում`
1) դիմում (Ձև 1).
2) կրթության մասին փաստաթուղթ (դիպլոմ).
3) անձը հաստատող փաստաթուղթ.
4) աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում).
5) ինքնակենսագրություն (Ձև 4).
6) մեկ լուսանկար` 3x4 չափի.
7) այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.
8) Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.
9) հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):

Մրցույթին մասնակցելու իրավունք չունի այն անձը, որը`
1) դատական կարգով ճանաչվել է անգործունակ կամ սահմանափակ գործունակ.
2) դատական կարգով զրկվել է մանկավարժական գործունեությամբ զբաղվելու իրավունքից.
3) տառապում է ՀՀ կառավարության կողմից հաստատված այնպիսի հիվանդությամբ, որը կարող է խոչընդոտել մանկավարժական գործունեության իրականացմանը.
4) դատապարտվել է հանցագործության համար, և դատվածությունը սահմանված կարգով հանված կամ մարված չէ, բացառությամբ այն դեպքերի, երբ դատապարտվել է ոչ դիտավորյալ հանցագործություն կատարելու համար:

Հավելված
Բյուրեղավան համայնքի ղեկավարի
2025 թվականի օգոստոսի 29-ի N 451-Ա որոշման

ՀԱՅՏԱՐԱՐՈՒԹՅՈՒՆ

Հայաստանի Հանրապետության Կոտայքի մարզի Բյուրեղավան  համայնքի ղեկավարը  հայտարարում է  մրցույթներ Բյուրեղավանի  համայնքապետարանի աշխատակազմի  համայնքային  ծառայության հետևյալ թափուր պաշտոնները զբաղեցնելու համար.

1. Թափուր պաշտոնի անվանումը՝
Հայաստանի Հանրապետության Կոտայքի մարզի Բյուրեղավանի համայնքապետարանի աշխատակազմի քաղաքաշինության, հողաշինության, գյուղատնտեսության և բնապահպանության բաժնի գլխավոր մասնագետ (ծածկագիր` 2.3-6)

Աշխատակազմի քաղաքաշինության, հողաշինության, գյուղատնտեսության և բնապահպանության բաժնի գլխավոր մասնագետի պաշտոնի անձնագրով սահմանված հիմնական գործառույթների համառոտ նկարագիրը.
- կատարում է բաժնի պետի հանձնարարությունները` ժամանակին և պատշաճ որակով.
- բաժնի պետի հանձնարարությամբ մասնակցում է Հայաստանի Հանրապետության կառավարության սահմանած կարգով համայնքի գլխավոր հատակագծի, օգտագործման սխեմաների, գոտիավորման և այլ փաստաթղթերի նախագծերի կազմման աշխատանքներին․
- մասնակցում է համայնքի վարչական սահմաններում գտնվող հողամասերի ընթացիկ հաշվառմանը և համայնքի հողային հաշվեկշռի կազմմանը․
- մասնակցում է համայնքի քաղաքաշինական կանոնադրության և դրանում կատարվող փոփոխությունների նախագծերի պատրաստմանը,
-մասնակցում է կառուցապատողներին տրվող ճարտարապետահատակագծային առաջադրանքների,  շինարարության (քանդման), ավարտված շինարարության շահագործման թույլտվությունների նախագծերի պատրաստմանը․
- մասնակցում է շենքերի ու շինությունների նպատակային oգտագործման և պահպանման, կառուցապատողներին տրված ճարտարապետահատակագծային առաջադրանքով, համայնքի քաղաքաշինական կանոնադրությամբ uահմանված պահանջների կատարման նկատմամբ uահմանված կարգով վերահuկողության իրականացմանը․
-մասնակցում է համայնքի տարածքում ընդերքօգտագործման և հողագրունտի հանույթի իրականացման հետ կապված՝ համայնքին վերապահված գործառույթների իրականացմանը․
-բաժնի պետի հանձնարարությամբ կատարում է համայնքային սեփականություն համարվող շենքերի ու շինությունների տեխնիկական վիճակի ուսումնասիրությունը, իրականացնում է դրանց նորոգման և բարեկարգման աշխատանքների տեխնիկական վերահսկողությունը և տալիս է համապատասխան եզրակացություններ, իր լիազորությունների սահմաններում համագործակցում է համատիրության և բնակչության սպասարկման ոլորտի մյուս կազմակերպությունների (էլ. ցանց, ջրմուղ-կոյուղի, գազի ծառայություն, վերելակային ծառայություն և այլն) հետ․
-մասնակցում է  համայնքային գերեզմանատների շահագործման և դրանց պահպանման աշխատանքներին.
-իրականացնում է պաշտոնի անձնագրով սահմանված այլ լիազորություններ:

Աշխատակազմի քաղաքաշինության, հողաշինության, գյուղատնտեսության և բնապահպանության բաժնի գլխավոր մասնագետի պաշտոնի անձնագրով պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետմանը ներկայացվող պահանջները.
- ճարտարապետության, քաղաքաշինության և (կամ) հողաշինության մասնագիտությունների գծով բարձրագույն կրթություն․
-համայնքային ծառայության կամ պետական ծառայության պաշտոններում առնվազն երկու տարվա ստաժ կամ վերջին երեք տարվա ընթացքում քաղաքական կամ վարչական կամ հայեցողական կամ ինքնավար պաշտոններում առնվազն մեկ տարվա աշխատանքային ստաժ կամ վերջին ութ տարվա ընթացքում համայնքի ավագանու անդամի աշխատանքային գործունեության առնվազն երկու տարվա փորձ կամ առնվազն երեք տարվա մասնագիտական աշխատանքային ստաժ:
Մինչև 2018 թվականի հունվարի 1-ը համայնքային ծառայության առաջատար պաշտոնի անձնագիրն ընդգրկում է համայնքային ծառայության, պետական և (կամ) համայնքային կառավարման ոլորտի առնվազն մեկ տարվա աշխատանքային ստաժ.
- Հայաստանի Հանրապետության Սահմանադրության, «Համայնքային ծառայության մասին», «Հանրային ծառայության մասին», «Տեղական ինքնակառավարման մասին», «Քաղաքաշինության մասին», Հողային օրենսգրքի, «Հուղարկավորությունների կազմակերպման և գերեզմանատների ու դիակիզարանների շահագործման մասին» օրենքների, աշխատակազմի կանոնադրության և իր լիազորությունների հետ կապված այլ իրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն.
-անհրաժեշտ տեղեկատվության տիրապետում.
-համակարգչով և ժամանակակից այլ տեխնիկական միջոցներով  աշխատելու ունակություն.
-առնվազն մեկ օտար լեզվի տիրապետում: 

2. Թափուր պաշտոնի անվանումը՝
Հայաստանի Հանրապետության Կոտայքի մարզի Բյուրեղավանի համայնքապետարանի աշխատակազմի գլխավոր մասնագետ (ծածկագիր` 2.3-7) 

Բյուրեղավանի համայնքապետարանի աշխատակազմի գլխավոր մասնագետի պաշտոնի անձնագրով սահմանված հիմնական գործառույթների համառոտ նկարագիրը.
- կատարում է աշխատակազմի քարտուղարի հանձնարարությունները` ժամանակին և պատշաճ որակով.
- իր կողմից մշակված իրավական ակտերի նախագծերի, ծրագրային փաստաթղթերի և նյութերի փորձաքննության ուղարկելու անհրաժեշտության մասին առաջարկություններ է ներկայացնում աշխատակազմի քարտուղարին.
- անհրաժեշտության դեպքում, աշխատակազմի քարտուղարի համաձայնությամբ կամ հանձնարարությամբ, մասնակցում է համապատասխան տեղական ինքնակառավարման մարմինների և այլ կազմակերպությունների կողմից կազմակերպվող քննարկումներին և այլ միջոցառումներին.
- անհրաժեշտության դեպքում, իր լիազորությունների սահմաններում նախապատրաստում և աշխատակազմի քարտուղարին է ներկայացնում  առաջարկություններ, տեղեկանքներ, հաշվետվություններ, միջնորդագրեր, զեկուցագրեր և այլ գրություններ.
-  իրականացնում է քաղաքացիների դիմում - բողոքների սահմանված կարգով քննարկումը և արդյունքները ներկայացնում է աշխատակազմի քարտուղարին.
- Բյուրեղավան համայնքի ղեկավարի (այսուհետ՝ համայնքի ղեկավար)  լիազորությամբ ներկայացնում է Բյուրեղավան համայնքի (այսուհետ՝ համայնք) շահերը դատարանում, պետական մարմինների, ֆիզիկական և իրավաբանական անձանց հետ փոխհարաբերություններում.
-  նախապատրաստում և դատարան է ներկայացնում համայնքի սեփականություն հանդիսացող գույքի և գույքային իրավունքների պաշտպանության, բյուջե մուտքագրվող գումարների բռնագանձման վերաբերյալ հայցադիմումները.
- մասնակցում է համայնքի ղեկավարի  քննարկմանը ներկայացվող իրավական բնույթի փաստաթղթերի նախագծերի նախապատրաստմանը և դրանց վերաբերյալ եզրակացություն է ներկայացնում համայնքի ղեկավարին.
- ճշտում է համայնքի ղեկավարի որոշումների, կարգադրությունների նախագծերի համապատասխանությունը ՀՀ օրենսդրությանը, համապատասխան եզրակացություն ներկայացնում համայնքի ղեկավարին.
- ապահովում է իրավական ակտերի նախագծերի, ծրագրային փաստաթղթերի մշակումը և նյութերի փորձաքննությունը.
- իրականացնում է ՀԿՏՀ ծրագրում (համայնքային կառավարման տեղեկատվական համակարգ) անհրաժեշտ տեղեկատվության գրանցում.
- աշխատակազմի քարտուղարին կիսամյակը մեկ ներկայացնում է հաշվետվություն իր կատարած աշխատանքների մասին.
- իրականացնում է պաշտոնի անձնագրով սահմանված այլ լիազորություններ:

Բյուրեղավանի համայնքապետարանի աշխատակազմի գլխավոր մասնագետի պաշտոնի անձնագրով պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետմանը ներկայացվող պահանջները.
-իրավաբանական բարձրագույն կրթություն․
-համայնքային ծառայության կամ պետական ծառայության պաշտոններում առնվազն երկու տարվա ստաժ կամ վերջին երեք տարվա ընթացքում քաղաքական կամ վարչական կամ հայեցողական կամ ինքնավար պաշտոններում առնվազն մեկ տարվա աշխատանքային ստաժ կամ վերջին ութ տարվա ընթացքում համայնքի ավագանու անդամի աշխատանքային գործունեության առնվազն երկու տարվա փորձ կամ առնվազն երեք տարվա մասնագիտական աշխատանքային ստաժ:
Մինչև 2018 թվականի հունվարի 1-ը  համայնքային ծառայության, պետական և (կամ) համայնքային կառավարման ոլորտի առնվազն երեք տարվա աշխատանքային ստաժ.
- Հայաստանի Հանրապետության Սահմանադրության, «Համայնքային ծառայության մասին», «Հանրային ծառայության մասին», «Տեղական ինքնակառավարման մասին», «Նորմատիվ իրավական ակտերի մասին», «Վարչարարության հիմունքների և վարչական վարույթի մասին» օրենքների, Քաղաքացիական, Աշխատանքային, Ընտանեկան և Վարչական իրավախախտումների վերաբերյալ օրենսգրքերի, աշխատակազմի կանոնադրության և իր լիազորությունների հետ կապված այլ իրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն.
- անհրաժեշտ տեղեկատվության տիրապետում.
- համակարգչով և ժամանակակից այլ տեխնիկական միջոցներով  աշխատելու ունակություն.
- առնվազն մեկ օտար լեզվի տիրապետում: 

3. Թափուր պաշտոնի անվանումը՝
Հայաստանի Հանրապետության Կոտայքի մարզի Բյուրեղավանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի առաջատար մասնագետ (ծածկագիր` 3.1-2) 

Բյուրեղավանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի առաջատար մասնագետի պաշտոնի անձնագրով սահմանված հիմնական գործառույթների համառոտ նկարագիրը.
- կատարում է բաժնի պետի հանձնարարությունները` ժամանակին և պատշաճ որակով.
- մասնակցում  է գնումների վերաբերյալ իրավական ակտերի նախագծերի մշակման աշխատանքներին. 
- մասնակցում է գնումների գործընթացի կազմակերպման աշխատանքներին.
- մասնակցում է բյուջետային գործընթացին և միջնաժամկետ ծախսային ծրագրերի կազմման աշխատանքներին.
- մասնակցում է իրավաբանական և ‎ֆիզիկական անձանց գույքային հարկերի հաշվառման աշխատանքներին.
- մասնակցում է համայնքում ծանուցագրերի տրամադրման, տեղական հարկերի գանձման  աշխատանքներին.
- մասնակցում է համայնքի վարչական սահմաններում գտնվող համայնքային և պետական սեփականություն համարվող վարձակալությամբ տրամադրված հողերի, համայնքի սեփականություն համարվող վարձակալությամբ տրամադրված գույքի հաշվառմանը, ապահովում է վարձակալական վճարների գանձումը.
- աջակցում է համայնքի տեղական տուրքերի և վճարների գանձման աշխատանքներին․
- իրականացնում է համայնքի բյուջեով նախատեսված եկամուտների գանձման աշխատանքներ.
- մասնակցում է առևտրի, հանրային սննդի և կենցաղային ծառայությունների օբյեկտների հաշվառման աշխատանքներին, նախապատրաստում գործունեության կազմակերպման թույլտությունների որոշման նախագծերը․
-իրականացնում է ՀԿՏՀ ծրագրում (համայնքային կառավարման տեղեկատվական համակարգ) անհրաժեշտ տեղեկատվության գրանցում.
-իրականացնում է պաշտոնի անձնագրով սահմանված այլ լիազորություններ: 

Բյուրեղավանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի առաջատար մասնագետի պաշտոնի անձնագրով պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետմանը ներկայացվող պահանջները.
-առնվազն միջնակարգ  կրթություն.
-Հայաստանի Հանրապետության Սահմանադրության, «Համայնքային ծառայության մասին», «Հանրային ծառայության մասին», «Տեղական ինքնակառավարման մասին», «Գնումների մասին», «Տեղական տուրքերի և վճարների մասին» օրենքների, աշխատակազմի կանոնադրության և իր լիազորությունների հետ կապված այլ իրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն.
-անհրաժեշտ տեղեկատվության տիրապետում.
- համակարգչով և ժամանակակից այլ տեխնիկական միջոցներով  աշխատելու ունակություն: 

Փաստաթղթերի ներկայացման վերջնաժամկետը՝ 2025 թվականի սեպտեմբերի 24: 

Մրցույթներն սկսելու օրը, ժամը և վայրը՝ Մրցույթները կկայանան 2025 թվականի հոկտեմբերի 09-ին, ժամը 10:00-ին, Բյուրեղավանի Մշակույթի տան շենքում (հասցե՝ ՀՀ Կոտայքի մարզ համայնք Բյուրեղավան,  քաղաք Բյուրեղավան  Զորավար Անդրանիկի փողոց):

Նշված թափուր պաշտոնների համար փաստաթղթերի ներկայացման վայրը՝ Բյուրեղավանի համայնքապետարանի աշխատակազմ  (հասցե՝ ՀՀ Կոտայքի մարզ համայնք Բյուրեղավան,  քաղաք Բյուրեղավան, Վազգեն Ա Վեհափառի փողոց թիվ 1 վարչական շենք,  հեռախոս.՝ 0222 63236)  կամ Կոտայքի մարզպետի աշխատակազի Տարածքային կառավարման և տեղական ինքնակառավարման հարցերի վարչություն (հասցե՝ ՀՀ Կոտայքի մարզ, քաղաք Հրազդան, Կենտրոն վարչական շենք, հեռախոս.՝ 0223 23413),  ժամը 10:00-ից 18:00, բացի շաբաթ և կիրակի օրերից:  

Դիմող ՀՀ քաղաքացիները և ՀՀ-ում  փախստականի կարգավիճակ ունեցող անձինք մրցույթին մասնակելու համար պետք է ներկայացնեն հետևյալ փաստաթղթերը՝
-գրավոր դիմում (տրվում է հանձնաժողովի անունով)՝ լրացվում է փաստաթղթերը ներկայացնելիս.
-տվյալ պաշտոնն զբաղեցնելու համար քաղաքացու մասնագիտական գիտելիքների և աշխատանքային ունակությունների տիրապետմանը ներկայացվող պահանջների բավարարումը հավաստող փաստաթղթերի պատճենները.
- հայտարարությունների ձևեր՝ լրացվում է փաստաթղթերը ներկայացնելիս.
-արական սեռի անձինք ներկայացնում են նաև զինգրքույկի կամ դրան փոխարինող ժամանակավոր և զորակոչային տեղամասին կցագրման վկայականի պատճենները կամ համապատասխան տեղեկանք.
-մեկ լուսանկար՝ 3 X 4 սմ չափսի.
- անձնագրի (անձը հաստատող փաստաթղթի) պատճենը:

Փաստաթղթերը ներկայացվում են  անձամբ:
Ներկայացված փաստաթղթերի պատճենները ետ չեն վերադարձվում:

ՀՀ ԿՈՏԱՅՔԻ ՄԱՐԶԻ ԲՅՈՒՐԵՂԱՎԱՆ ՀԱՄԱՅՆՔԻ

ԱՎԱԳԱՆՈՒ ԹԻՎ 08 ԱՐՏԱՀԵՐԹ ՆԻՍՏԻՆ ՄԱՍՆԱԿՑԵԼՈՒ ՀԱՄԱՐ

      ՀՐԱՎԻՐՎԱԾՆԵՐԻ ՑՈՒՑԱԿ

ՀԱՅՏԱՐԱՐՈՒԹՅՈՒՆ
ՀԱՆՐԱՅԻՆ ԼՍՈՒՄՆԵՐԻ (ՔՆՆԱՐԿՈՒՄՆԵՐԻ)ԻՐԱԿԱՆԱՑՄԱՆ ՎԵՐԱԲԵՐՅԱԼ

Բյուրեղավանի համայնքապետարանը բոլոր շահագրգիռ ֆիզիկական և իրավաբանական անձանց հրավիրում է մասնակցելու հանրային քննարկումների:
Համաձայն «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և ՀՀ կառավարության 2014 թվականի նոյեմբերի 19-ի N 1325-Ն որոշման՝ 2025 թվականի սեպտեմբերի 30-ին, ժամը 16:00-ին, ՀՀ Կոտայքի մարզի Բյուրեղավան համայնքի Ջրաբեր բնակավայրի վարչական ղեկավարի նստավայրում (հասցեն՝ գյուղ Ջրաբեր, 1-ին փողոց թիվ 13 վարչական շենք) տեղի կունենա «Զեփյուռ-երեք» ՍՊԸ-ի կողմից ներկայացվող Ջրաբեր գյուղում գտնվող լիթոիդային պեմզայի հանքավայրի Հարավ-Արևմտյան տեղամասում իրականացվող օգտակար հանածոյի արդյունահանման իրավունքի ընդլայնման և երկարացման՝ շրջակա միջավայրի վրա ազդեցության նախնական գնահատման հայտի վերաբերյալ հանրային քննարկումներ (1-ին փուլ):
Փաստաթղթերին ծանոթանալու, ինչպես նաև դիտողություններ և առաջարկություններ ներկայացնելու համար կարող եք դիմել Կոտայքի մարզի Բյուրեղավանի համայնքապետարան՝ մինչև 2025 թվականի սեպտեմբերի 30-ը, ժամը՝ 9:00-16:00:
Հեռախոսահամար՝ (0222) 65203, էլ. փոստ` hamaynqapetaran@byureghavan.am: