|
22.10.25
ԲՅՈՒՐԵՂԱՎԱՆՈՒՄ ԱՍՖԱԼՏԱՊԱՏՄԱՆ ԱՇԽԱՏԱՆՔՆԵՐԸ ՇԱՐՈՒՆԱԿՎՈՒՄ ԵՆ
|
|
Տեղեկացնում ենք, որ Բյուրեղավանի քաղաքային գերեզմանատան ճանապարհահատվածներից մեկը բարեկարգվում և վերանորոգվում է։ Ծրագիրն իրականացվում է համայնք-պետություն համաֆինանսավորմամբ՝ ասֆալտապատվում է 480 քմ տարածք։ Շուտով ճանապարհը կլինի բարեկարգ և հարմարավետ։
|
|
|
21.10.25
ՄԱՆԿԱՊԱՐՏԵԶՈՒՄ ԱՆՑԿԱՑՎԵՑ ՍՊՈՐՏԼԱՆԴԻԱ
|
|
Օրերս Բյուրեղավան քաղաքի «ԱՐԵՎ» մանկապարտեզում անցկացվեց սպորտլանդիա՝ երեխաների ֆիզիկական ակտիվությունը խթանելու նպատակով։ Մասնակցում էին Ավագ Ա խումբը՝ դաստիարակ Լուսինե Գրիգորյան, և Ավագ Բ խումբը՝ դաստիարակ Հայկուշ Գրիգորյան, իսկ հանդիսատեսը մյուս խմբերի երեխաներն էին։ Միջոցառումը սկսվեց առավոտյան՝ ջերմ ողջույնով և ուրախ երաժշտությամբ։ Խմբերը բաժանվել էին թիմերի՝ «ԱՐԵՎ» և «ԱՐԾԻՎ», յուրաքանչյուրն ուներ իր նշանաբանը։ Սպորտլանդիայում ընդգրկված էին տարբեր խաղեր՝ վազք, ցատկ, օղակներով խաղեր և այլն։ Մանկապարտեզի սաները ոչ միայան զվարճանում էին, այլև սովորում աշխատել թիմով, օգնել միմիյանց և ամենակարևորը` ստանալ դրական էմոցիաներ։ Նմանատիպ սպորտային ...
Մանրամասն |
|
|
21.10.25
ՎԵՐԱՆՈՐՈԳՎՈՒՄ ԵՆ ՏԱՆԻՔՆԵՐ
|
|
Համայնքապետարանի աջակցությամբ «Բյուրեղավան» համատիրությունը կատարում է Բյուրեղավան քաղաքի Օղակաձև փողոցի 50 շենքի տանիքի մասնակի վերանորոգման աշխատանքները։ Համայնքի ղեկավար Հակոբ Բալասյանի հանձնարարությամբ մեկնարկել են աշխատանքները։ Հին ազբեստե թերթաքարերը փոխարինվում են նոր ցինկապատ թիթեղներով։
|
|
|
20.10.25
ԳՈՐԾԱԿԱՐԳԱՎԱՐԱԿԱՆ ԽՈՐՀՐԴԱԿՑՈՒԹՅՈՒՆ
|
|
Աշխատանքային երկուշաբթին համայնքապետարանում մեկնարկեց գործակարգավարական խորհրդակցությամբ։2025 թվականի հոկտեմբերի 20-ին Բյուրեղավան համայնքի ղեկավար Հակոբ Բալասյանի մոտ տեղի ունեցավ հերթական աշխատանքային խորհրդակցություն, որին մասնակցում էին համայնքի ղեկավարի առաջին տեղակալ Դանիել Դանիելյանը, համայնքապետարանի աշխատակազմի քարտուղար Լիլիթ Ավուշյանը, աշխատակազմի բաժինների պետեր, համայնքապետարանի աշխատակազմի մասնագետներ, համայնքային կառույցների ղեկավարներ:Խորհրդակցության ընթացքում յուրաքանչյուրն իր մասով ներկայացրեց կատարված աշխատանքների ընթացքը, ինչպես նաև բարձրաձայնվեցին առկա խնդիրները։Քննարկվեցին համայնքում աղբահանության, սանիտարական մաքրման աշխատանքների, չսահմանված վայրերում բացօթյա առևտուր կազմակերպելու, ...
Մանրամասն |
|
|
20.10.25
ԱՍՖԱԼՏԱՊԱՏՈՒՄ ՀԱՅՐԵՆԱԴԱՐՁ ԹԱՂԱՄԱՍՈՒՄ
|
|
Բյուրեղավան քաղաքի Հայրենադարձ թաղամասում տեղի են ունենում հողի հարթեցման աշխատանքներ: Սուբվենցիոն ծրագրի շրջանակներում նախատեսվում է կատարել 1080քմ ասֆալտապատման աշխատանքներ: Այսօր համայնքի ղեկավարը աշխատանքային այցով գտնվում էր թաղամասում: Հայրենադարձ թաղամասի բնակիչների և «ԲԱԼԱՀՈՎԻՏ 1» ճանապարհաշինարարական ընկերության ներկայացուցիչների հետ շրջեց ճանապարհատվածով, արձանագրեց թերությունները և քննարկեց հետագա անելիքները: Այցի ավարտին համայնքի ղեկավարը ոլորտային պատասխանատուների հետ, ուսումնասիրեց թաղամասում առկա այլ խնդիրներ: Հանձնարարեց քայլեր ձեռնարկել խնդիրները լուծելու ուղղությամբ:
|
|
|
19.10.25
ՄԻՋՈՑԱՌՈՒՄ ՆՎԻՐՎԱԾ ՀԱՅԿԱԿԱՆ ԾԻՐԱՆԱՓՈՂԻՆ ԵՎ ՔՈՉԱՐԻ ԱԶԳԱՅԻՆ ՊԱՐԻՆ
|
|
Հոկտեմբերի 17-ը նշվում է որպես ՈՉ ՆՅՈՒԹԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ միջազգային օր։Օրվա կապակցությամբ Բյուրեղավանի Մշակույթի տունը և Բյուրեղավանի Շառլ Ազնավուրի անվան արվեստի դպրոցը կազմակերպել էին վարպետաց դաս-ցերեկույթ' նվիրված ՅՈՒՆԵՍԿՕ-ի ոչ նյութական մշակութային ժառանգության ցուցակում գրանցված հայկական ԾԻՐԱՆԱՓՈՂԻՆ (դուդուկին) և ՔՈՉԱՐԻ ազգային պարին։Միջոցառման շրջանակներում արվեստի դպրոցի դուդուկի դասատու Տիգրան Նիգոյանը ներկայացրեց Ծիրանափողի պատրաստման, նյութի ընտրության, չափի և կիրառման մասին: Անդրադարձավ ՅՈՒՆԵՍԿՕ-ի ոչ նյութական մշակութային ժառանգության ցուցակում ընդգրկվելու պատմությանը, դրանում մեծ ավանդ ունեցած և գործիքին միջազգային ճանաչում բերած Ջիվան Գասպարյանին, ինչպես նաև մեր այլ ...
Մանրամասն |
|
|
17.10.25
ՈՒՇԱԴՐՈՒԹՅՈՒՆ
|
|
Համայնքի հարգելի՛ բնակիչներ Տեղեկացնում ենք, որ այսուհետ «Շտապբուժօգնություն» ծառայության կանչերն ընդունելի են միայն 1-03 հեռախոսահամարով։ «Անդրանիկ Պետրոսյանի անվան Բյուրեղավանի քաղաքային պոլիկլինիկայում» գործող շտապ կանչերի նախկին հեռախոսահամարներն այլևս չեն գործում։
|
|
|
17.10.25
ԲԱՑ ԴԱՍ ԱՐՎԵՍՏԻ ԴՊՐՈՑԻ ՍԱՆԵՐԻ ՄԱՍՆԱԿՑՈՒԹՅԱՄԲ
|
|
Բյուրեղավանի Շառլ Ազնավուրի անվան արվեստի դպրոցի կերպարվեստի բաժնի սաները՝ դասատու Գոռ Աբրահամյանի գլխավորությամբ Բյուրեղավանի քաղաքային պուրակում անցկացրեցին բաց դաս։ Դասը պլեների ձևաչափով էր և կրում էր «Սուրբ Մարիամ Աստվածածին եկեղեցին իմ աչքերով» խորագիրը։ Սուրբ տաճարի տարածքում ստեղծագործական աշխատանքը ոգևորիչ էր արվեստի դպրոցի սաների համար։ Նմանօրինակ բաց դասերը ոչ միայն զարգացնում են սաների գեղարվեստական հմտությունները, այլև խթանում են նրանց ստեղծագործական մտածողությունն ու սերը ազգային մշակույթի նկատմամբ։
|
|
| 1 2 3 4 5 6 7 8 9 10 ... |