ԿԱՐԳ
ԲՅՈՒՐԵՂԱՎԱՆԻ ՀԱՄԱՅՆՔԱՊԵՏԱՐԱՆՈՒՄ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱԶՄԱԿԵՐՊՄԱՆ

1.Սույն կարգով սահմանվում է Հայաստանի Հանրապետության  Կոտայքի մարզի Բյուրեղավանի համայնքապետարանում (այսուհետ՝ Համայնքապետարան) քաղաքացիների ընդունելության կազմակերպման կարգը:

2.Համայնքապետարանում  քաղաքացիների ընդունելության կազմակերպումն իրականացնում է Բյուրեղավանի համայնքապետարանի աշխատակազմը (այսուհետ՝ Աշխատակազմ):

3.Համայնքապետարանում քաղաքացիների ընդունելության հերթագրումն իրականացվում է Աշխատակազմի մասնագետի կողմից:

4.Համայնքապետարանում ընդունելությանը  հերթագրվելու համար քաղաքացիները կարող են դիմում ուղարկել փոստով, byureghavan.kotaq@mta.gov.am կամ byureghavan@mail.ru էլեկտրոնային փոստերով, կամ դիմել համայնքապետարանի Աշխատակազմ:

5.Համայնքապետարանում քաղաքացիների ընդունելությունն իրականացնում է համայնքի ղեկավարը, իսկ նրա բացակայության դեպքում՝ համայնքի ղեկավարի տեղակալը:

6.Համայնքապետարանում քաղաքացիների ընդունելությանը համայնքի ղեկավարի հանձնարարությամբ կարող են մասնակցել համայնքապետարանի համապատասխան աշխատակիցները, ավագանու անդամները՝ ցանկությամբ:

7.Քաղաքացիների ընդունելությունն  իրականացվում է յուրաքանչյուր  շաբաթվա ուրբաթ օրը՝ ժամը 11:00-13:00-ն, իսկ բնակիչների հրատապ հարցերի դեպքում՝ ցանկացած օր:  Բյուրեղավան համայնքի Նուռնուս և Ջրաբեր բնակավայրերի բնակիչների ընդունելությունը կազմակերպվում է նաև տվյալ բնակավայր համայնքի ղեկավարի ֆիքսված այցելությունների օրերին:

8.Քաղաքացիների ընդունելության քարտերը կամ դիմումները  ստացման օրը գրանցվում են համայնքապետարանի Աշխատակազմի քաղաքացիների ընդունելության հաշվառման գրանցամատյանում և համայնքապետարանի byureghavan-kotayk.am  պաշտոնական կայքում:

9.Ընդունելության մատյանում գրանցվում են ընդունելության օրը, քաղաքացու անունը, ազգանունը, հասցեն, հեռախոսահամարը, ներկայացվող հարցի բովանդակությունը, իսկ հետագայում նաև՝ լուծման  ընթացքը :

10.Քարտերը՝ համայնքի ղեկավարի մակագրությունից, հանձնարարականից հետո,  պատասխանատու մասնագետի կողմից ստորագրությամբ հանձնվում են Աշխատակազմի  համապատասխան աշխատողին ՝ կատարողին :

11. Մակագրված քարտի հիման վրա Աշխատակազմի  համապատասխան աշխատողն  ուսումնասիրում է բարձրացված հարցերը և ներկայացնում է առաջարկներ հարցերի լուծման ուղղությամբ:

12.Քննարկված առաջարկները  և հնարավոր լուծումները  ներկայացվում են համայնքի ղեկավարին:

13.Հարցը լուծում ստանալուց հետո գրավոր կամ բանավոր պատասխանվում է քաղաքացուն և հանվում  հսկողությունից: 

Բյուրեղավանի համայնքապետարանի աշխատակազմի հասցեն է` ՀՀ Կոտայքի մարզ, համայնք Բյուրեղավան, քաղաք Բյուրեղավան, Վազգեն Ա Վեհափառի փողոց, թիվ 1 վարչական շենք: Աշխատակազմի քարտուղար՝ Լիլիթ Ավուշյան: