Երեխային մանկապարտեզ ընդունելու համար անհրաժեշտ է ներկայացնել հետևյալ փաստաթղթերը`

1. Ծնողի կամ խնամակալի կողմից դիմում, ուղղված մանկապարտեզի տնօրենին;
2. Երեխայի ծննդյան վկայականի պատճենը;
3. Տեղեկանք պոլիկլինիկայից` 26 ձև: 

Ընդունելության համար կարելի է դիմել ցանկացած աշխատանքային օր (երկուշաբթիից մինչև ուրբաթ, ժամը 10:00-ից մինչև 16:00-ը):
Մանկապարտեզի վարձավճարը Բյուրեղավան համայնքում ամսական կազմում է 8000 դրամ: Գումարը վճարվում է Բյուրեղավանի համայնքապետարանի 900105002274 հաշվեհամարին: Բյուրեղավան  համայնքն այժմ ունի մեկ գործող մանկապարտեզ՝  «Արև» մանկապարտեզ (հասցե` 2-րդ փողոց, հեռախոս` 093217232, տնօրեն` Էլինա Հայրապետյան):

1. Բյուրեղավանի «Արև» մանկապարտեզ նախադպրոցական ուսումնական հաստատություն համայնքային ոչ առևտրային կազմակերպության ծառայությունից օգտվողների համար՝ համայնքի կողմից մատուցված ծառայությունների դիմաց 2020 թվականի փոխհատուցման գումարի չափը սահմանել ամսական 8000 (ութ հազար) դրամ։  

2. Ոչ բյուրեղավանաբնակ  (ունեն մշտական հաշվառում այլ համայնքներում, բացառությամբ՝ ՀՀ պաշտպանության նախարարության զորամասերում ծառայող զինծառայողների) երեխաների համար համայնքի կողմից մատուցված ծառայությունների դիմաց փոխհատուցման գումարի չափը սահմանել կրկնակի։ Ոչ բյուրեղավանաբնակները չեն օգտվում համայնքի կողմից մատուցվող ծառայությունների համար սահմանված գումարի չափի նվազեցման ատոնությունից։

3. Մանկապարտեզի  ծառայությունից օգտվողների համար՝ համայնքի կողմից մատուցված ծառայությունների դիմաց փոխհատուցման գումարի 100%-ի չափով նվազեցման արտոնություն սահմանել՝
  1) Հայաստանի Հանրապետության սահմանների պաշտպանության ժամանակ զոհված կամ հաշմանդամ դարձած զինծառայողների երեխաների համար,         
     2) երկկողմանի ծնողազուրկ երեխաների համար,
     3) հաշմանդամ երեխաների համար: 

4. Մանկապարտեզի  ծառայությունից օգտվողների համար՝ համայնքի կողմից մատուցված ծառայությունների դիմաց փոխհատուցման գումարի 50%-ի  չափով նվազեցման արտոնություն սահմանել՝ 
     1) միակողմանի ծնողազուրկ (մահացած ծնող ունեցող) երեխաների համար,          
     2) 1-ին և 2-րդ կարգի հաշմանդամ ծնող ունեցող երեխաների համար,           
     3) չորս և ավելի անչափահաս երեխա ունեցող ընտանիքի երեխաների համար:     

5. Իրավունք վերապահել համայնքի ղեկավարին  համայնքի կողմից մատուցված՝ մանկապարտեզի ծառայությունների դիմաց փոխհատուցման գումարի համար կիրառելու 50-ից 100 %-ի չափով նվազեցման արտոնություն՝ ավագանու կողմից սահմանված կարգին, պայմաններին և չափորոշիչներին համապատասխան: