30.08.24
ԱՐՎԵՍՏԻ ԴՊՐՈՑՈՒՄ ԿԱՅԱՑԵԼ Է ԸՆԴՈՒՆԵԼՈՒԹՅԱՆ ԼՍՈՒՄՆԵՐ
|
Գեղարվեստական կրթությունը կենսական նշանակություն ունի երեխաների համար: Բյուրեղավանի Շառլ Ազնավուրի անվան արվեստի դպրոցը համալրվում է նոր շնորհալի երեխաներով։ Օգոստոսի 29-ին Բյուրեղավանի արվեստի դպրոցում տեղի ունեցան ընդունելության լսումներ։ Լսումներն անցան ըստ նախատեսվածի․ երեխաների նախնական տվյալները բավարար էին ընդունվելու արվեստի դպրոց։ Հանձնաժողովը ղեկավարում էր արվեստի դպրոցի փոխտնօրեն Սիլվա Մուկոյանը։ Լսումների ընթացքում հանձնաժողովում ներառված մասնագետները ծանոթացան երեխաների երաժշտական տվյալներին՝ լսողությանը, ռիթմին, հիշողությանը։
|
|
28.08.24
ԾԻԼՔ ՀԱՄՈՒՅԹՆ ԻՐԱԿԱՆԱՑՆՈՒՄ Է ԻՐԱԶԵԿՄԱՆ ԱՐՇԱՎ ԳՈՒԹԱՆ ՓԱՌԱՏՈՆԻ ՎԵՐԱԲԵՐՅԱԼ
|
Բյուրեղավանի Ծիլք Ազգագրական Համույթը պատրաստվում է «Գութան» ազգային երգի-պարի փառատոնին։ Գեղարվեստական ղեկավար Միքայել Խաչատրյանի գլխավորությամբ համույթի սաները Բյուրեղավանում իրականացնում են իրազեկման արշավ։ ------------------------------------- «Գութան» Հայաստանի ազգային-ավանդական երգի-պարի ամենամյա փառատոնը, իրականացվում է «Մրրո» հայ ազգային արվեստի կենտրոնի կողմից: Փառատոնն այս տարի տոնում է հոբելյանական 10-ամյակը: Փառատոնի նպատակն է պահպանել հայ ազգային-ավանդական մշակույթը։ -Օգոստոսի 31-ին -Գաֆէսճեան քանդակների պարտեզ, կասկադ -ժամը 19:00-ին Պահպանենք մեր ազգային ինքնությունը:
|
|
28.08.24
ՀԱԿՈԲ ԲԱԼԱՍՅԱՆԸ ՇՆՈՐՀԱՎՈՐԵԼ Է ԱՍՈՐԱԿԱՆ ՀԱՄԱՅՆՔԻՆ
|
Արզնի ասորական համայնքի իմ լավ բարեկամնե՛ր, Հարգելի՛ Ֆելիքս Միրզոև Բյուրեղավան համայնքի բնակիչների և իմ անունից ջերմորեն շնորհավորում եմ` ասորական համայնքին` ուխտի օրվա կապակցությամբ: Արզնու ասորական համայնքի կողմից նշվող Աստվածածնի ուխտն այն բացառիկ տոներից է, որը համախմբում է ասորական ընտանիքներին: Ամեն տարի այս օրը, ասորական համայնքի ներկայացուցիչները շտապում են Արզնի՝ միասնական տոնելու օգոստոսի 28-ի ուխտը: Տոնն ասորական է, սակայն այն միավորում է բոլորին՝ Արզնիում և հարակից բնակավայրերում ապրող բնակիչներին` այն դարձնելով համերաշխության յուրօրինակ խորհրդանիշ: Մաղթում եմ, որ մեր համայնքների և ազգերի միասնությունը լինի ամուր և հարատև: Բոլորիդ ընտանիքներին՝ խաղաղություն, առողջություն ու բարեկեցություն
|
|
27.08.24
ԳՐԵՆԱԿԱՆ ՊԻՏՈՒՅՔՆԵՐԻ ՓԱԹԵԹ ԱՌԱՋԻՆՆԵՐԻՆ
|
Ավանդույթի համաձայն, նոր ուսումնական տարվան ընդառաջ, Բյուրեղավան համայքի շուրջ 160 առաջին դասարանցիներ համայնքապետարանի կողմից կստանան փաթեթներ՝ անհրաժեշտ գրենական պիտույքներով:
|
|
24.08.24
ՄԵԿՆԱՐԿԵԼ Է ԳԾԱՆՇՈՒՄՆԵՐԻ ԳՈՐԾԸՆԹԱՑԸ
|
Բյուրեղավան համայնքում մեկնարկել է գծանշման գործընթացը։ Այս պահին էլ աշխատանքներն ընթացքի մեջ են։ Աշխատանքներն իրականացվում են համայնքային բյուջեի միջոցներով։
|
|
23.08.24
ՀԱՄԱՅՆՔԻ ՂԵԿԱՎԱՐԻ ՄՈՏ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ ԷՐ
|
Բյուրեղավանի համայնքապետարանում քաղաքացիների հերթական ընդունելություն էր։ Այսօր բնակիչները համայնքի ղեկավար Հակոբ Բալասյանի մոտ ընդունելության էին եկել տարբեր խնդիրներով։ Ընդունելության արդյունքում քաղաքացիների բարձրացած տարաբնույթ հարցերը քննարկվեցին և պարզաբանվեցին։ Հարգելի՛ բնակիչներ, քաղաքացիների ընդունելությունը տեղի է ունենում յուրաքանչյուր ուրբաթ, ժամը՝ 11։00-13։00-ը։ Ընդունելության համար կարող եք նախապես հերթագրվել՝ այցելելով համայնքապետարան (քաղաքացիների սպասարկաման գրասենյակ) կամ զանգահարել հեռախոսահամարին՝ (0222) 6 12 32։
|
|
20.08.24
ԲՅՈՒՐԵՂԱՎԱՆԻ ԲԱԶՄԱԲՆԱԿԱՐԱՆ ՇԵՆՔԵՐԻ ՆԿՈՒՂՆԵՐՈՒՄ ՍԱՆՄԱՔՐՄԱՆ ԱՇԽԱՏԱՆՔՆԵՐ ԵՆ ԿԱՏԱՐՎՈՒՄ
|
Այս օրերին Բյուրեղավան քաղաքի բազմաբնակարան շենքերի նկուղներում իրականացվում են սանմքարման միջոցառումներ։ Աշխատանքները կատարում է Բյուրեղավան համատիրությունը՝ Բյուրեղավանի համայնքապետարանի աջակցությամբ։
|
|
19.08.24
ԳՈՐԾԱԿԱՐԳԱՎԱՐԱԿԱՆ ԽՈՐՀՐԴԱԿՑՈՒԹՅՈՒՆ
|
Աշխատանքային շաբաթը Բյուրեղավանի համայնքապետարանում մեկնարկեց խորհրդակցությամբ: Բյուրեղավան համայնքի ղեկավար Հակոբ Բալասյանն անցկացրեց աշխատանքային խորհրդակցություն համայնքապետարանի ղեկավար կազմի և աշխատակազմի ներկայացուցիչների և համայնքային կառույցների ղեկավարների մասնակցությամբ։ Ամփոփվեցին Բյուրատոնի օրվան նվիրված միջոցառումները, քննարկվեցին օրվա հետ կապված ուշագրավ պահերը։ Այնուհետև անդրադարձ կատարվեց համայնքում առկա խնդիրներին, դրանց լուծումներին և առաջիկա անելիքներին։
|
|
1 2 3 4 5 6 7 8 9 10 ... |