Համաձայն Քաղաքացիական օրենսգրքի 188-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետի, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված կարգի 2-րդ և 3-րդ կետերի, 2006 թվականի մայիսի 18-ի N 912-Ն որոշմամբ հաստատված կարգի և 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ և 51-րդ կետերի, հաշվի առնելով, որ պարիսպը կառուցված չէ քաղաքաշինական նորմերի էական խախտումներով, չի գտնվում Հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի առաջացնում հարկադիր սերվիտուտ պահանջելու իրավունք, նրա պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, հիմք ընդունելով Վիկտորիա Պետրոսյանի դիմումը` որոշում եմ.

1․ Վիկտորիա Ավետիսի Պետրոսյանի (ծնված՝ 1966 թվականի նոյեմբերի 10-ին) կողմից Կոտայքի մարզի Բյուրեղավան համայնքի Բյուրեղավան քաղաքի Սարալանջ 1-ին փողոց 2 հողամասի հարևանությամբ գտնվող Բյուրեղավան համայնքի սեփականությունը հանդիսացող բնակավայրերի նպատակային նշանակության, բնակելի կառուցապատման գործառնական նշանակության 0.02076 հեկտար մակերեսով հողամասում (կադաստրային ծածկագիր՝ 07-003-0023-0014, չափագրման տվյալների մուտքագրման ծածկագիր՝ 2023FNSRGQ) ինքնակամ կառուցված 3.85 քմ մակերեսով պարիսպը ճանաչել Բյուրեղավան համայնքի սեփականությունը:

2․ 3.85 քմ մակերեսով պարիսպը ճանաչել օրինական և կատարել պետական գրանցում՝ ըստ սույն որոշման անբաժանելի մասը կազմող «ԳԻՍ ԱՐՏ» սահմանափակ պատասխանատվությամբ ընկերության տված պարսպի և դրա պահպանման ու սպասարկման համար առանձնացված հողամասի հատակագծերի:

3. Պարսպի և դրա պահպանման ու սպասարկման համար առանձնացված հողամասին տրամադրել հասցե.

Հյաստանի Հանրապետություն Կոտայքի մարզ համայնք Բյուրեղավան քաղաք Բյուրեղավան Սարալանջ թաղամասի 1-ին փողոց 2/1։

4. Սույն որոշումն ուժի մեջ է մտնում ստորագրման օրվանից: