Համաձայն «Տեղական ինքնակառավարման մասին» օրենքի 32-րդ հոդվածի 1-ին մասի 4-րդ և 37-րդ հոդվածի 1-ին մասի 3-րդ կետերի, հիմք ընդունելով Բյուրեղավան համայնքի ավագանու 2017 թվականի դեկտեմբերի 14-ի N 15-Ն որոշմամբ հաստատված կարգն ու «Զեփյուռ-երեք» սահմանափակ պատասխանատվությամբ ընկերության տնօրենի գրությունը՝ որոշում եմ.

1.2025 թվականի օգոստոսի 28-ից մինչև սեպտեմբերի 30-ը ներառյալ Հայաստանի Հանրապետության Կոտայքի մարզի Բյուրեղավան համայնքի Ջրաբեր բնակավայրում սահմանված կարգով կազմակերպել «Զեփյուռ-երեք» սահմանափակ պատասխանատվությամբ ընկերության կողմից ներկայացվող Բյուրեղավան համայնքի Ջրաբեր բնակավայրում գտնվող լիթոիդային պեմզայի հանքավայրի Հարավ-Արևմտյան տեղամասում օգտակար հանածոյի արդյունահանման իրավունքի ընդլայնման և երկարացման աշխատանքների՝ շրջակա միջավայրի վրա ազդեցության նախնական գնահատման հայտի վերաբերյալ հանրային քննարկումներ (1-ին փուլ):

2.Քննարկումներն անցկացնել 2025 թվականի սեպտեմբերի 30-ին, ժամը 16:00-ին, Ջրաբեր բնակավայրի վարչական ղեկավարի նստավայրում. հասցեն՝ գյուղ Ջրաբեր, 1-ին փողոց թիվ 13 վարչական շենք:

3.Ջրաբեր բնակավայրի վարչական ղեկավար Բորիկ Դավթյանին՝
1)անցկացնել հանրային քննարկումները.
2) արդյունքների մասին ներկայացնել տեղեկություն:

4. Սույն որոշումն ուժի մեջ է մտնում ստորագրման օրվանից: