Համաձայն Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ կետերի, հաշվի առնելով այն հանգամանքը, որ անասնաշենքը, զուգարանը և ծածկը կառուցվել են 2005-2010 թվականներին, կառուցված չեն քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, չեն առաջացնում հարկադիր սերվիտուտ պահանջելու իրավունք, չեն գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում և հիմք ընդունելով «Հայաստանի ազգային արխիվ» պետական ոչ առևտրային կազմակերպության Աբովյանի տարածքային ներկայացուցչության տված 2023 թվականի մայիսի 23-ի N Աբ-1013 արխիվային տեղեկանքը, չափագրման հատակագծերը, «ՀԱԲՇԻՆ ՆԱԽԱԳԻԾ» սահմանափակ պատասխանատվությամբ ընկերության կողմից տրված 2023 թվականի նոյեմբերի 29-ի եզրակացությունն ու Վարդանուշ Աշոտի Օսիպյանի դիմումը` որոշում եմ.
1.Քաղաքացի Վարդանուշ Աշոտի Օսիպյանի պատկանող Կոտայքի մարզ համայնք Բյուրեղավան գյուղ Նուռնուս Դարանի թաղամասի 11-րդ փողոց 17 հասցեի (կադաստրային ծածկագիր՝ 07-051-0145-0018, հաշվառման (չափագրման) տվյալների մուտքագրման ծածկագիր՝ 2023MU7BXJ) 0.0470 հեկտար մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասում ինքնակամ կառուցված 5.8 քմ արտաքին (4 քմ ներքին) մակերեսով անասնաշենքը և 1 քմ արտաքին (0.8 քմ ներքին) մակերեսով զուգարանը և 10 քմ մակերեսով ծածկը ճանաչել օրինական:
2․Վարդանուշ Աշոտի Օսիպյանին՝ համայնքապետարանի 900105202213 հաշվեհամարին վճարել 23889,6 (քսաներեք հազար ութ հարյուր ութսունինը ամբողջ վեց տասնորդական) դրամ՝ 2005-2010 թվականներին ինքնակամ կառուցված անասնաշենքի, զուգարանի և ծածկի օրինականացման վճար:
3.Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում սույն որոշումն համարել ուժը կորցրած:
4.Սույն որոշումն ուժի մեջ է մտնում ստորագրման օրվանից: