Համաձայն «Տեղական ինքնակառավարման մասին» օրենքի 74-րդ հոդվածի 1-ին մասի, հիմք ընդունելով թիվ 28 ընտրատարածքային ընտրական հանձնաժողովի  2022 թվականի հոկտեմբերի 2-ի «Կոտայքի մարզի Բյուրեղավան համայնքի ավագանու 2022 թվականի սեպտեմբերի 25-ի ընտրությունների արդյունքներով Բյուրեղավան համայնքի ավագանի ընտրվելու մասին» N 20-Ա որոշումը և 2022 թվականի հոկտեմբերի 06-ի «Կոտայքի մարզի Բյուրեղավան համայնքի ավագանու ընտրված անդամներ գրանցելու մասին» N 5 արձանագրությունը` ավագանին որոշում է.

1․ Հայաստանի Հանրապետության Կոտայքի մարզի Բյուրեղավան համայնքի ղեկավարի երդման արարողությունն անցկացնել 2022 թվականի նոյեմբերի 12-ին, ժամը 11։00-ին, Բյուրեղավան քաղաքի Մշակույթի տան շենքում (հասցեն՝ Կոտայքի մարզ, համայնք Բյուրեղավան, քաղաք Բյուրեղավան, Զորավար Անդրանիկի փողոց)։

2.Բյուրեղավան համայնքի ղեկավարի երդման արարողությանը հրավիրել Հայաստանի Հանրապետության տարածքային կառավարման և ենթակառուցվածքների նախարարության ներկայացուցչի, Կոտայքի մարզպետին, Հայ Առաքելական Եկեղեցու Կոտայքի թեմի առաջնորդին, պետական, եկեղեցական, մշակութային և հասարակական գործիչների:

3․Բյուրեղավան համայնքի ղեկավարի երդման արարողության նախապատրաստման և անցկացման կազմակերպման պատասխանատվությունը դնել Բյուրեղավանի համայնքապետարանի աշխատակազմի վրա։

4.Սույն որոշումն ուժի մեջ է մտնում ստորագրման օրվանից: