Համաձայն Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-12-րդ և 22․1-րդ կետերի, 2005 թվականի դեկտեմբերի 29-ի N 2387-Ն որոշմամբ հաստատված կարգի 62-րդ և 64-րդ կետերի, հաշվի առնելով «Հաբշին Նախագիծ» սահմանափակ պատասխանատվությամբ ընկերության 2023 թվականի մայիսի 21-ի եզրակացությունն այն մասին, որ ինքնակամ շինությունների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, ինքնակամ կառուցված շինությունները կառուցված չեն ու չեն գտնվում Հողային օրենսգրքի 60-րդ հոդվածով սահմանված հողամասերի ցանկում, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, շինությունները կառուցվել են մինչև 2001 թվականի մայիսի 15-ը, հիմք ընդունելով ժառանգության իրավունքի վկայագիրը, չափագրման հատակագծերն ու Հասմիկ Գարեգինի Հակոբյանի դիմումը` որոշում եմ.

1. Քաղաքացի Հասմիկ Գարեգինի Հակոբյանին ժառանգության իրավունքով պատկանող 07-051-0151-0008 կադաստրային ծածկագրով, 0.05 հեկտար մակերեսով Աբովյանի շրջանի Նուռնուս այգետարածքի թիվ 6 տեղամասի թիվ 14 անշարժ գույքի հասցեն համարել չեղյալ և վերահասցեավորել`

Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Սևան թաղամաս 6-րդ փողոց 14:

2. Քաղաքացի Հասմիկ Գարեգինի Հակոբյանին ժառանգության իրավունքով պատկանող Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Սևան թաղամաս 6-րդ փողոց 14 հասցեի (կադաստրային ծածկագիր՝ 07-051-0151-0008, չափագրման տվյալների մուտքագրման ծածկագիր՝ 2023WV7UJN) 0.05 հեկտար մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասում ինքնակամ կառուցված 41․8 քմ արտաքին (37․60 քմ ներքին) մակերեսով այգետնակը, ճանաչել օրինական:

3. Հաշվի առնելով, որ ինքնակամ շինությունները կառուցվել են մինչև 2001 թվականի մայիսի 15-ը, ինքնակամ կառուցված շինությունների օրինականացման համար վճար չի գանձվում:

4. Սույն որոշումն ուժի մեջ է մտնում ստորագրման օրվանից: