Համաձայն «Նորմատիվ իրավական ակտերի մասին» օրենքի 34-րդ հոդվածի և հիմք ընդունելով Հայաստանի Հանրապետության Կադաստրի կոմիտեի 2024 թվականի սեպտեմբերի 11-ի «Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին» N Կ-1192024-07-0186 որոշումն ու Ոսկի Գրիշայի Սարգսյանի լիազորած անձ փաստաբան Ալվարդ Վանիկի Մնացականյանի դիմումը՝ որոշում եմ.

1.Բյուրեղավան համայնքի ղեկավարի 2024 թվականի օգոստոսի 15-ի «Ոսկի Սարգսյանին պատկանող անշարժ գույքին հասցե տրամադրելու և ինքնակամ կառուցված շինությունը օրինական ճանաչելու մասին» N 653-Ա որոշման մեջ կատարել հետևյալ փոփոխություններն ու լրացումը՝
1) որոշման վերնագիրը «ճանաչելու» բառից հետո լրացնել «, հողամասի գործառնական նշանակությունը փոփոխելու» բառերով․
2) որոշման նախաբանը «8-12-րդ և 22.1 րդ» թվերից առաջ լրացնել «3-րդ,» թվով.
3) որոշման 2-րդ կետում «0.05» թիվը փոխարինել «0.046854» թվով.
4)որոշումը 2-րդ կետից հետո լրացնել հետևյալ բովանդակությամբ նոր՝ 2.1.-ին կետով․
«2.1․Փոփոխել Կոտայքի մարզի Բյուրեղավան համայնքի Նուռնուս գյուղի Ուրց թաղամասի 2-րդ փողոց 52 հասցեի 27.71 քառակուսի մետր մակերեսով հողամասի բնակավայրերի այլ գործառնական նշանակությունը՝ դարձնելով բնակելի կառուցապատման։»։

2.Սույն որոշումն ուժի մեջ է մտնում ստորագրման օրվանից։