Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետի, Հողային օրենսգրքի 64-րդ հոդվածի 2-րդ մասի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի հաշվի առնելով այն հանգամանքը, որ հատկացված 0.05 հեկտար մակերեսով հողամասից փաստացի ավել օգտագործվող 0.00982 հեկտար մակերեսով հողամասը համայնքի հողերի օգտագործման սխեմայով նախատեսված չէ այլ նպատակային կամ գործառնական նշանակությամբ օգտագործելու համար, նշված հողամասի օգտագործումը չի խոչընդոտում այլ հողամասերի նպատակային կամ գործառնական նշանակությամբ օգտագործմանը և հիմք ընդունելով չափագրման հատակագծերն ու Նելլի Հենրիկի Գևորգյանի լիազորած անձ Արսեն Մելիք-Ստեփանյանի դիմումը` որոշում եմ.
1․Աբովյանի շրջանի Նուռնուս այգետարածքի թիվ 16 թաղամասի թիվ 154 հողակտորին (կադաստրային ծածկագիր՝ 07-051-0101-0135) տրամադրել հասցե՝
Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Կոտայք թաղամաս 154։
2.Ճանաչել Նելլի Հենրիկի Գևորգյանի սեփականության իրավունքը իրեն պատկանող 0.05 հեկտար մակերեսով հողամասից (ծածկագիր` 07-051-0101-0135) փաստացի ավել օգտագործվող 0.00982 հեկտար մակերեսով հողամասի նկատմամբ:
3.Սույն որոշման 2-րդ կետում նշված ընդհանուր 0.05982 հեկտար մակերեսով հողամասը չի գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, ինչպես նաև չի առաջացնում հարկադիր սերվիտուտ պահանջելու իրավունք:
4․Հաստատել սույն որոշման անբաժանելի մասը կազմող «ԳԻՍ-ԱՐՏ» սահմանափակ պատասխանատվությամբ ընկերության կողմից տրված հատակագիծը:
5․Դիմել Կադաստրի կոմիտեի սպասարկման գրասենյակ` պետական գրանցում կատարելու համար:
6. Սույն որոշումն ուժի մեջ է մտնում ստորագրման օրվանից: