Համաձայն Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ կետերի, հաշվի առնելով այն հանգամանքը, որ խանութը կառուցվել Է 2013 թվականին, կառուցված չէ քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, չի գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում և հիմք ընդունելով սեփականության իրավունքի վկայագիրը, չափագրման հատակագծերը, «ԱՐՏԱԳԵՐԱՏԵՍՉԱԿԱՆ ՓՈՐՁԱՔՆՆՈՒԹՅՈՒՆ» փակ բաժնետիրական ընկերության կողմից տրված 2024 թվականի հոկտեմբերի 14-ի եզրակացությունն ու Սանասար Արտավազդի Ծատրյանի դիմումը` որոշում եմ.

1.Քաղաքացի Սանասար Արտավազդի Ծատրյանին պատկանող Կոտայքի մարզ համայնք Բյուրեղավան քաղաք Բյուրեղավան Զորավար Անդրանիկի  փողոց 32/92 հասցեի (կադաստրային ծածկագիր՝ 07-003-0020-1077, հաշվառման (չափագրման) տվյալների մուտքագրման ծածկագիր՝ 2023BSGCMW) 0.01937 հեկտար մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասում ինքնակամ կառուցված 119.4 քմ արտաքին (99.80 քմ ներքին) մակերեսով խանութը ճանաչել օրինական:

2․Սանասար Արտավազդի Ծատրյանին՝ համայնքապետարանի 900105202213 հաշվեհամարին վճարել 470197,2 (չորս հարյուր յոթանասուն հազար հարյուր իննսունյոթ ամբողջ  երկու  տասնորդական) դրամ՝ 2013 թվականին ինքնակամ կառուցված խանութի օրինականացման վճար:

3.Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում սույն որոշումն համարել ուժը կորցրած:

4.Սույն որոշումն ուժի մեջ է մտնում ստորագրման օրվանից: