Համաձայն Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ և 18-րդ կետերի, հաշվի առնելով այն հանգամանքը, որ հանդիսությունների սրահը, կառուցվել է 2011 թվականին, կառուցված չէ քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, չի գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում և հիմք ընդունելով N 07052025-07-0077 սեփականության իրավունքի վկայականը, «ՀԱԲՇԻՆ ՆԱԽԱԳԻԾ» սահմանափակ պատասխանատվությամբ ընկերության կողմից տրված 2025 թվականի մայիսի 16-ի եզրակացությունն ու Նվեր Աշոտի Չերքեզյանի և Արմինե Աղասիի Սարիբեկյանի դիմումը` որոշում եմ.

1.Քաղաքացիներ Նվեր Աշոտի Չերքեզյանին և Արմինե Աղասիի Սարիբեկյանին պատկանող Կոտայքի մարզ համայնք Բյուրեղավան քաղաք Բյուրեղավան Օղակաձև փողոց 15 հասցեի (կադաստրային ծածկագիր՝ 07-003-0013-0191, սեփականության իրավունքի վկայական՝ N 07052025-07-0077,  հաշվառման (չափագրման) տվյալների մուտքագրման ծածկագիր՝ 2023ZFTRBL) 0.08779 հեկտար մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասու ինքնակամ կառուցված 226․1 քմ արտաքին (182․4 քմ ներքին) մակերեսով հանդիսությունների սրահը  ճանաչել օրինական:

2․Նվեր Աշոտի Չերքեզյանին և Արմինե Աղասիի Սարիբեկյանին՝ համայնքապետարանի 900105202213 հաշվեհամարին վճարել 890381,8 (ութ հարյուր իննսուն հազար երեք հարյուր ութսունմեկ ամբողջ ութ տասնորդական) դրամ՝ 2011 թվականին ինքնակամ կառուցված հանդիսությունների սրահի  օրինականացման վճար:

3.Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում սույն որոշումն համարել ուժը կորցրած:

4.Սույն որոշումն ուժի մեջ է մտնում ստորագրման օրվանից: