Համաձայն «Տեղական ինքնակառավարման մասին» օրենքի 32-րդ հոդվածի 1-ին մասի 4-րդ և 37-րդ հոդվածի 1-ին մասի 3-րդ կետերի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշմամբ հաստատված կարգի, «Նորմատիվ իրավական ակտերի մասին» օրենքի 37-րդ հոդվածի և հիմք ընդունելով Բյուրեղավան համայնքի ավագանու 2017 թվականի դեկտեմբերի 14-ի N 15-Ն որոշմամբ հաստատված կարգն ու «ՄԼ ՄԱՅՆԻՆԳ» սահմանափակ պատասխանատվությամբ ընկերության տնօրենի գրությունները՝ որոշում եմ.

1.2024 թվականի դեկտեմբերի 24-ից մինչև 2025 թվականի փետրվարի 3-ը ներառյալ Հայաստանի Հանրապետության Կոտայքի մարզի Բյուրեղավան համայնքի Նուռնուս բնակավայրում սահմանված կարգով կազմակերպել «ՄԼ ՄԱՅՆԻՆԳ» սահմանափակ պատասխանատվությամբ ընկերության կողմից ներկայացված՝ Բյուրեղավան համայնքում գտնվող 07-051-0202-0042 կադաստրային ծածկագրով հողամասի տարածքում Ջրաբերի լիթոիդային պեմզայի հանքավայրի օգտակար հանածոյի երկրաբանական ուսումնասիրության և արդյունահանման աշխատանքների իրականացման վերաբերյալ հանրային քննարկումներ (1-ին փուլ):

2. Ջրաբերի լիթոիդային պեմզայի հանքավայրի օգտակար հանածոյի երկրաբանական ուսումնասիրության վերաբերյալ լսումներն անցկացնել 2025 թվականի փետրվարի 3-ին, ժամը 17:00-ին, Նուռնուս բնակավայրի վարչական ղեկավարի նստավայրում. հասցեն՝ գյուղ Նուռնուս, Գլխավոր փողոց թիվ 15 վարչական շենք:

3. Ջրաբերի լիթոիդային պեմզայի հանքավայրի օգտակար հանածոյի արդյունահանման աշխատանքների իրականացման վերաբերյալ լսումներն անցկացնել 2025 թվականի փետրվարի 3-ին, ժամը 17:30-ին, Նուռնուս բնակավայրի վարչական ղեկավարի նստավայրում. հասցեն՝ գյուղ Նուռնուս, Գլխավոր փողոց թիվ 15 վարչական շենք:

4.Բյուրեղավան համայնքի Նուռնուս և Ջրաբեր  բնակավայրերի վարչական ղեկավարներ  Աղվան Հարությունյանին և Բորիկ Դավթյանին՝

1) անցկացնել հանրային քննարկումները,
2) արդյունքների մասին ներկայացնել տեղեկություն։

5. Ուժը կորցրած ճանաչել Հայաստանի Հանրապետության Կոտայքի մարզի Բյուրեղավան համայնքի ղեկավարի 2024 թվականի դեկտեմբերի 13-ի «Հանրային լսումներ (քննարկումներ) կազմակերպելու մասին» N 846-Ա որոշումը:

6. Սույն որոշումն ուժի մեջ է մտնում ստորագրման օրվանից: