Բյուրեղավան

Բյուրեղավանը վաղը՝

• Բարեկարգ, մաքուր, կանաչապատ, գեղատեսիլ, բնակչության արժանապատիվ կեցության համար անհրաժեշտ պայմաններով բազմաբնակավայր համայնք է՝ որակյալ մասնագիտական ռեսուրսներով, զարգացած տնտեսությամբ, սոցիալական ենթակառուցվածքներով, հանգստի ու ժամանցի ժամանակակից գոտիներով։ Այն նաև ճանաչված է որպես մարզական և մանկապատանեկան մշակութային համայնք։
• Համայնքին բնորոշ են բարձր ներգաղթի տեմպը։ Զարգացած տնտեսությունը բոլոր ոլորտներում ապահովում է բնակչության բարձր կենսամակարդակը և բարեկեցիկ կյանքը։
• Բյուրեղավանի ապակու գործարանը աշխատում է ամբողջ ծավալով։ Արտադրված վերջնական արտադրանքը մրցունակ է տեղական շուկայում։ Արտադրանքի զգալի մասը արտահանվում է։
• Համայնքում գործում են քարի վերամշակման տասը և ավել արտադրամաս, որոնք համայնքից արտահանում են վերջնական արտադրանքը։
• Համայնքի տարածքում բնական աղբյուրներից դուրս եկող ջուրը ամբողջությամբ վերամշակվում է, շշալցում և վաճառվում երկրի ներսում ու արտերկրում։ Արտադրվող շշալցված ջուրը բրենդավորված է։ Բրենդը հայտնի է և մրցակցում է հայաստանյան առաջատար շշալցված ջուր արտադրող ընկերությունների բրենդների հետ:
•  Համայնքում զարգացված է տեղեկատվական տեխնոլոգիաների ոլորտը։ Գործում են բազմաթիվ փոքր ձեռնարկություններ, որոնցում  ներգրավված աշխատակիցների թիվը կտրուկ աճում է։
•  Համայնքը առողջարարական հանգստի և տուրիզմի ամենամեծ պահանջարկ ունեցող հատվածներից է։ Երեք մեծ և մրցունակ առողջարաններում վերականգնողական հանգիստ են անցնում ինչպես  տեղացի, այնպես էլ արտասահմանցի հանգստացողները։
• Համայնքի գյուղական բնակավայրերում զարգանում է էկո գյուղատնտեսությունը։ Ստացվող գյուղմթերքի մեծ մասը վերամշակվում է համայնքի ներսում վերամշակող փոքր արտադրամասերի կողմից։
• Համայնքում գործում են բազմաթիվ կրթական հաստատություններ (այդ թվում՝ նախադպրոցական) և ուսումնական կենտրոններ, որոնց հիմքում ժամանակակից կրթական տեխնոլոգիաներն են ընկած։ Մեծ ճանաչում ունի Բյուրեղավանի ժողովրդական գործիքների քոլեջը:
•  Զարգացած է համայնքի մշակութային կյանքը։ Կազմակերպվում են բազմաթիվ մարզական և մանկապատանեկական միջոցառումներ, ճամբարներ։ Գործում են գերհագեցած ժամանակակից մարզադպրոց և բազմաթիվ մշակութային օջախներ։
• Համայնքը ամբողջությամբ բարեկարգ և մաքուր է: Առկա են բարեկարգ զբոսայգիներ, գործում են երեկոյան ժամանցի, արվեստի ու մշակույթի բազմաթիվ կենտրոններ։
• Համայնքի տնտեսական և սոցիալական ենթակառուցվածքները ամբողջությամբ կառուցված և վերանորոգված են։

Նպատակներ

Համայնքային նախաձեռնող ակտիվ թիմի ստեղծում՝ համայնքի տեսլականի իրականացմանն ուղղված գործողությունների պլանավորման, ռազմավարության մշակման, ծրագրերի նախագծման, համայնքի ընդհանուր ճարտարապետական և կառուցվածքային լուծումների և ռեսուրսների ներգրավման նպատակով (այդ թվում՝ ֆինանսական)։

Համայնքի տնտեսության ռազմավարական ոլորտներում ձեռնարկությունների կայացման և ենթակառուցվածքների արդիականացման աջակցություն։

Աջակցություն գյուղատնտեսության արդյունավետության բարձրացմանը և գյուղմթերքի վերամշակման մրցունակ արտադրամասերի հիմնմանը։ 

Աջակցություն համայնքի մշակութային կյանքի կայացմանը:

Համայնքի կրթական հաստատությունների ուժեղացում և մրցունակության բարձրացում:

Համայնքի մաքրությանն ու գրավչությանն ուղղված գործողությունների իրականացում, ինչպես նաև սոցիալական ենթակառուցվածքների վերանորոգում և կառուցում: