Համաձայն Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ և 18-րդ կետերի, 2005 թվականի դեկտեմբերի 29-ի N 2387-Ն որոշմամբ հաստատված կարգի 55-րդ, 62-րդ և 64-րդ կետերի, հաշվի առնելով այն հանգամանքը, որ ինքնակամ կառուցված բնակելի տունը, անասնաշենքը, ավտոտնակը, հավաբունը և ծածկը կառուցվել են 2017-2020 թվականներին, կառուցված չեն քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, չեն առաջացնում հարկադիր սերվիտուտ պահանջելու իրավունք, չեն գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում և հիմք ընդունելով չափագրման հատակագծերը, «ՇԵՄՔ» սահմանափակ պատասխանատվությամբ ընկերության 2024 թվականի ապրիլի 25-ի տեխնիկական եզրակացությունն ու Հակոբ Արմենի Մալխասյանի դիմումը`որոշում եմ.
1.Քաղաքացի Հակոբ Արմենի Մալխասյանին սեփականության իրավունքով պատկանող Կոտայքի մարզ համայնք Բյուրեղավան գյուղ Ջրաբեր 1-ին թիվ 19 անշարժ գույքի (կադաստրային ծածկագիր՝ 07-055-0002-0011) հասցեն համարել չեղյալ և վերահասցեավորել.
Հայաստանի Հանրապետություն Կոտայքի մարզ համայնք Բյուրեղավան գյուղ Ջրաբեր 1-ին փողոց 19/1:
2.Քաղաքացի Հակոբ Արմենի Մալխասյանին պատկանող Կոտայքի մարզ համայնք Բյուրեղավան գյուղ Ջրաբեր 1-ին փողոց 19/1 հասցեի (կադաստրային ծածկագիր՝ 07-055-0002-0011, հաշվառման (չափագրման) տվյալների մուտքագրման ծածկագիր՝ 2023JECABR) 0.31506 հեկտար մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասում ինքնակամ կառուցված 33.4 քմ արտաքին (26.2 քմ ներքին) մակերեսով բնակելի տունը, 108․4 քմ արտաքին (91․3 քմ ներքին) մակերեսով անասնաշենքը, 25․7 քմ արտաքին (21,3 քմ ներքին) մակերեսով ավտոտնակը, 8․6 քմ արտաքին (7․2 քմ ներքին) մակերեսով հավաբունը, 33․3 քմ արտաքին (31․9 քմ ներքին) մակերեսով ծածկը ճանաչել օրինական:
3․Հակոբ Արմենի Մալխասյանին՝ համայնքապետարանի 900105202213 հաշվեհամարին վճարել 215263,2 (երկու հարյուր տասնհինգ հազար երկու հարյուր վաթսուներեք ամբողջ երկու տասնորդական) դրամ՝ ինքնակամ կառուցված բնակելի տան, անասնաշենքի, ավտոտնակի, հավաբնի և ծածկի օրինականացման վճար:
4.Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում սույն որոշումն համարել ուժը կորցրած:
5.Սույն որոշումն ուժի մեջ է մտնում ստորագրման օրվանից: