Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 4-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ հաստատված կարգի և հիմք ընդունելով «Նոր փրոջեկտս» սահմանափակ պատասխանատվությամբ ընկերության տնօրեն Սուրեն Բարսեղյանի հայտը` որոշում եմ.

1.«Նոր փրոջեկտս» սահմանափակ պատասխանատվությամբ ընկերությանը տալ նախագծման թույլտվություն (ճարտարապետահատակագծային առաջադրանք)՝ կառուցապատման իրավունքով ընկերությանը պատկանող Հայաստանի Հանրապետություն Կոտայքի մարզ համայնք Բյուրեղավան քաղաք Բյուրեղավան Զորավար Անդրանիկի փողոց 51/2 հասցեի արդյունաբերության, ընդերքօգտագործման և այլ արտադրական նպատակային նշանակության արդյունաբերական օբյեկտների գործառնական նշանակության 2․1118 հա մակերեսով հողամասում (ծածկագիր՝ 07-003-0011-0114, վկայական N 11092023-07-0036) գոյություն ունեցող պահակակետի վերակառուցման, ջրի ռեզերվուարի, պոմպակայանի և տեխնիկական կցակառույցի կառուցման աշխատանքների նախագծային փաստաթղթերի մշակման համար (N 20 ճարտարապետահատակագծային առաջադրանքը կցվում է):

2.«Նոր փրոջեկտս» սահմանափակ պատասխանատվությամբ ընկերությանը՝
1) նախագիծը ներկայացնել համաձայնեցման.
2) կառուցապատման աշխատանքներն սկսել շինարարության թույլտվություն ստանալուց և Հայաստանի Հանրապետության կառավարության 2015 թվականի մարտի 19-ի № 596-Ն որոշման N 5 հավելվածի N 2-5 ձևի տեղեկանքը շինարարական աշխատանքներն սկսելուց առնվազն 3 օր առաջ Բյուրեղավանի համայնքապետարան ներկայացնելուց հետո:

3. Սույն որոշումն ուժի մեջ է մտնում ստորագրման օրվանից: