Համաձայն Քաղաքացիական օրենսգրքի 188-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետի, Հողային օրենսգրքի 64-րդ հոդվածի 2-րդ և 8-րդ մասերի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ և 22.1-րդ կետերի, 2005 թվականի դեկտեմբերի 29-ի N 2387-Ն որոշմամբ հաստատված կարգի 53-րդ և 55-րդ կետերի, 2003 թվականի ապրիլի 17-ի N 470-Ն որոշման, հաշվի առնելով, որ բնակելի տունը հենապատն ու պարիսպները կառուցված են մինչև 2001 թվականի մայիսի 15-ը, կառուցված չեն ու չեն գտնվում Հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ, հատկացված 0.05 հեկտար մակերեսով հողամասից փաստացի ավել օգտագործվող 0.00669 հեկտար մակերեսով հողամասը համայնքի հողերի օգտագործման սխեմայով նախատեսված չէ այլ նպատակային կամ գործառնական նշանակությամբ օգտագործելու համար, նշված հողամասի օգտագործումը չի խոչընդոտում այլ հողամասերի նպատակային կամ գործառնական նշանակության օգտագործմանը և հիմք ընդունելով «ՀԱՅԱՍՏԱՆԻ ԱԶԳԱՅԻՆ ԱՐԽԻՎ» պետական ոչ առևտրային կազմակերպության կողմից 2011 թվականի դեկտեմբերի 27-ին տված N Մ-5027 արխիվային տեղեկանքը, շինարարական կոնստրուկցիաների տեխնիկական վիճակի վերաբերյալ եզրակացությունը, ըստ օրենքի ժառանգության իրվունքի լրացուցիչ վկայագրերն ու Վրեժ Ժորայի Սահակյանի դիմումը` որոշում եմ.

1. Աբովյանի շրջանի Նուռնուսի այգետարածքի թիվ 8 հասցեում գտնվող անշարժ գույքը վերահասցեավորել.

Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Դարանի թաղամաս 3-րդ փողոց 5:

2. Ճանաչել Վրեժ Ժորայի Սահակյանի (ծնված՝ 1972 թվականի ապրիլի 13-ին) և Լիդա Եղիշի Մադոյանի (ծնված՝ 1950 թվականի մարտի 11-ին) սեփականության իրավունքը իրենց սեփականության իրավունքով պատկանող 0.05 հեկտար մակերեսով հողամասից (ծածկագիր` 07-051-0138-0004) փաստացի ավել օգտագործվող 0.00669 հեկտար մակերեսով հողամասի նկատմամբ:

3.Վրեժ Ժորայի Սահակյանին և Լիդա Եղիշի Մադոյանին սեփականության իրավունքով պատկանող Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Դարանի թաղամաս 3-րդ փողոց 5 հասցեի 0.05669 հեկտար մակերեսով բնակավայրերի նպատակային նշանակության բնակելի կառուցապատման հողամասում ինքնակամ կառուցված բնակելի նպատակային նշանակության ընդհանուր 184.37 քմ արտաքին (162.65 քմ ներքին) մակերեսով բնակելի տունը, զուգարանը, հավաբունը, հենապատն ու պարիսպները ճանաչել օրինական:

4. Վրեժ Ժորայի Սահակյանին և Լիդա Եղիշի Մադոյանին` համայնքապետարանի 900105202213 հաշվեհամարին վճարել 7821 (յոթ հազար ութ հարյուր քսանմեկ) դրամ՝ ընդհանուր 11.85 քմ արտաքին մակերեսով 2003 թվականին կառուցված զուգարանի և հավաբնի օրինականացման վճար:

5.Սույն որոշման 2-րդ կետում նշված ընդհանուր 0.05669 հեկտար մակերեսով հողամասը չի գտնվում Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, ինչպես նաև չի առաջացնում սերվիտուտ պահանջելու իրավունք:

6.Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում որոշումը համարվում է ուժը կորցրած:

7.Հաստատել որոշման անբաժանելի մասը կազմող «ԳԻՍ-ԱՐՏ» սահմանափակ պատասխանատվությամբ ընկերության տված հողամասի ու շինությունների հատակագիծը:

8.Դիմել Հայաստանի Հանրապետության կադաստրի կոմիտեի սպասարկման գրասենյակ` պետական գրանցում կատարելու համար:

9. Սույն որոշումն ուժի մեջ է մտնում ստորագրման օրվանից: