Ցանկանու՞մ ես դառնալ երիտասարդ եվրոպական դեսպան:
Եթե 16-ից 26 տարեկան ես և հանդիսանում ես արևելյան 6 գործընկեր երկրներից մեկի (Հայաստան, Ադրբեջան, Բելառուս, Վրաստան, Մոլդովա կամ Ուկրաինա), Եվրոպական միության կամ Միացյալ Թագավորության քաղաքացի, կարող ես մինչև ս.թ. հոկտեմբերի 24-ը ներկայացնել դիմում` «Երիտասարդ եվրոպական դեսպաններ» նախաձեռնությանը միանալու համար:
Նոր հայտամրցույթն մեկնարկել է այսօր «EU NEIGHBOURS east» («ԵՄ արեւելյան հարեւաններ») ծրագրի կողմից եւ ուղղված է եռանդուն ու խանդավառ երիտասարդներին, ովքեր հետաքրքրված են Եվրամիության հարցերով եւ ԵՄ-ի հետ իրենց երկրի գործընկերությամբ: Մասնակցության համար անհրաժեշտ է տիրապետել վարժ անգլերենի, ունենալ շրջապատի և երկրի զարգացման ու բարգավաճման գործում մեծ ներդրում ունենալու ձգտում եւ պատրաստ լինել բավականաչափ ժամանակ հատկացնել քաղաքացիական ակտիվ գործունեության մեջ ներգրավվելու համար:
Երիտասարդ եվրոպական դեսպան դառնալու դիմում ներկայացնելու համար դիմորդները պետք է մինչեւ 2021 թվականի հոկտեմբերի 24-ը (կիրակի) լրացնեն այս առցանց դիմումի ձեևը: Դիմորդները պետք է ներկայացնեն մոտիվացիոն նամակ և կատարեն իրենց հայտին օժանդակող ստեղծագործական առաջադրանք: Հայտերի ընդունման ավարտից հետո ընտրված թեկնածուները նախ կհրավիրվեն հարցազրույցի: Նրանք, ովքեր հաջողությամբ կանցնեն հարցազրույցը, կհրավիրվեն հատուկ աշխատանքային հանդիպումների, իսկ նրանց պրոֆիլները կուղարկվեն հետագա հաստատման (պաշտոնական շահագրգիռ կողմերին): Հայտերի ընդունման ավարտից մինչեւ արդյունքների վերջնական ամփոփումը տեւում է շուրջ 8 շաբաթ: «Երիտասարդ եվրոպական դեսպաններ» (ԵԵԴ) նախաձեռնությունն ապաքաղաքական, կամավորական, կենսունակ հաղորդակցական ցանց է, որը կապում եւ բարեկամության կամուրջներ է կառուցում Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի եւ ԵՄ անդամ երկրների ու Միացյալ Թագավորության երիտասարդների միջեւ։
Ցանցի նպատակն է` բարձրացնել արեւելյան գործընկեր երկրների հետ ԵՄ համագործակցության մասին իրազեկվածությունը, ցուցադրել այդ համագործակցության շոշափելի արդյունքները, նպաստել տարբեր թեմաների շուրջ քաղաքական երկխոսությանը, բարձրացնել քաղաքացիական ակտիվության մակարդակը եւ միասին աշխատել հանուն ավելի լավ ապագայի:
ԵԵԴ նախաձեռնությունը ստեղծվել է Եվրոպական միության կողմից 2016 թվականին՝ մինչ օրս ներգրավելով ավելի քան հազար երիտասարդների: Ներկայումս ակտիվորեն գործում են 34 տարբեր ազգություններ ներկայացնող ավելի քան 500 երիտասարդ եվրոպական դեսպաններ։ 2016 թվականին «Երիտասարդ եվրոպական դեսպաններ» նախաձեռնության հիմնադրումից ի վեր Միացյալ Թագավորությունը ներկայացնող երիտասարդները շարունակում են մասնակցել եւ իրավունք ունեն միանալու ԵԵԴ-ներ:
Իմացիր ավելին
https://euneighbourseast.eu/hy/news-and-stories/latest-news/dimir-ew-darjir-eritasard-evropakan-despan/