Հանձնարարվեց.
Հ. Լալայանին՝
-թիվ ԿԴ/9828/02/22 քաղաքացիական գործով նիստը հետաձգելու հանգամանքները պարզելու նպատակով պատրաստել դատարանին ուղղված գրություն:
Ա. Վերդյանին՝
- համայնքի տարածքում տեղադրված ցայտաղբյուրների վրա փականներ տեղադրելու աշխատանքները շուտափույթ ավարտել,
-կազմակերպել Բյուրեղավան քաղաքի շենքերի բակերում տեղադրված կարուսելները ներկելու և անհրաժեշտության դեպքում վերանորոգելու աշխատանքները,
- կազմակերպել Բյուրեղավանի քաղաքային պուրակի ցանկապատը ներկելու աշխատանքները:
Դ. Դանիելյանին՝
- կարգավորել Բյուրեղավան քաղաքի 26 և 11 շենքերի կոյուղագծերի խափանումները կարգավորելու համար շենքերի մոտ գտնվող կոյուղահորի տեղափոխման կամ փակելու հարցը,
- ներկայացնել առաջարկություն համայնքի գերեզմանատների պետական գրանցման հարցը լուծելու համար:
Ա. Ավագյանին՝
- ներկայացնել տեղեկատվություն Բյուրեղավան քաղաքի շենքերի կոյուղագծերի առկա խնդիրների վերաբերյալ,
- հետևել Բյուրեղավան քաղաքի շենքերի բակերի խաղահրապարակների ցանկապատերը վերանորոգելու հարցերին,
-Բյուրեղավան քաղաքի շենքերի մուտքերի դռներին դամաֆոններ տեղադրելու հարցը պարբերաբար ներկայացնել բնակիչներին:
Ս. Հովակիմյանին՝
- հետևել մանկապարտեզի շենքի բակի կանաչապատման աշխատանքներին:
Ն. Զաքարյանին՝
-ներկայացնել արվեստի դպրոցի 50 ամյակին նվիրված միջոցառման ծրագիրը՝ ֆինանսական մասով:
Վ. Հայրապետյանին, վերահսկող՝ Լ. Պողոսյան
- տեղական տուրքերի հավաքագրման աշխատանքներն ակտիվացնել:
Լ. Պողոսյանին՝
- 2 օրվա մեջ խոշոր հարկային պարտավորություն ունեցողներին ծանուցումներ ուղարկել:
Մ. Կարապետյանին՝
- հայտարարություն գրել Բյուրեղավան քաղաքի «Հավերժության» պուրակում ծառատունկ կազմակերպելու նպատակով սոճի, կեչի և վարդի թփեր նվիրաբերելու մասին: |