Ն. Շուշանյանին՝
- Բյուրեղավան քաղաքի Զորավար Անդրանիկի և Վազգեն Սարգսյան փողոցների վրա ինքնակամ տեղադրված մետաղական կրպակները ապամոնտաժելու աշխատանքների մասին լուսաբանել,
-կրկին անգամ գրության նախագիծ պատրաստել ուղղված Բնապահպանության և ընդերքի տեսչական մարմնին՝ Բյուրեղավան քաղաքի նախկին մանկապարտեզի շենքի տարածքի հակասանիտարական վիճակի մասին:
Լ. Ավուշյանին՝
-համայնքի ավագանու հաստատած ՀՀ Կոտայքի մարզի Բյուրեղավան համայնքի վարչական սահմաններում գտնվող անշարժ գույքի սեփականատիրոջ կամ տիրապետողի` իր տիրապետման տակ գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման էությունը, ծավալը և իրականացման կարգը վերանայել:
Մ. Միքայելյանին՝
- մինչև օգոստոս ամիսը ներկայացնել առաջարկություններ պոլիկլինիկայի ֆինանսավորման խնդիրը լուծելու համար և պարբերաբար ներկայացնել տեղեկություն անհրաժեշտ գործողությունների մասին,
-յուրաքանչյուր ամիս ներկայացնել կատարվող ծախսերի մասին տեղեկություն:
Մ. Եղիազարյանին՝
- կազմակերպել քննարկում Տարածքային զարգացման հիմնադրամի կողմից իրականացվող արևային պանելների տեղադրման աշխատանքների վերաբերյալ:
Հ. Լալայանին, Ն. Շուշանյանին և Ա. Վերդյանին՝
- առաջարկել լուծումներ Բյուրեղավան քաղաքի նախկին մանկապարտեզի շենքի տարածքի հակասանիտարական վիճակը վերացնելու ուղղությամբ, հաջորդ շաբաթ կազմակերպել տարածքի մաքրման աշխատանքները:
Ա. Վերդյանին՝
- կազմակերպել Բյուրեղավանի ավագ դպրոցի տարածքի ծառերի էտումը:
Հ. Սիմոնյանին՝
- զեկուցել, թե երբ են Ջրաբեր գյուղի ոռոգման ջուրը միացրել և ոռոջման ջուր չլինելու պատճառով ինչ կորուստներ են ունեցել բնակիչները:
Ա. Ավագյանին՝
- ուսումնասիրել, թե Բյուրեղավան քաղաքի որ շենքերում կան լիֆտի դռները ապօրինի փակելու դեպքեր և զեկուցել: |