Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետի, «Քաղաքաշինության մասին» օրենքի 143-րդ և 30-րդ հոդվածների, Հայաստանի Հանրապետության կառավորության 2011 թվականի դեկտեմբերի 29-ի N 1918-Ն որոշմամբ հաստատված կարգի և հիմք ընդունելով Հայաստանի Հանրապետության վարչապետի 2001 թվականի օգոստոսի 13-ի N 599 որոշմամբ ստեղծված հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թվականի _____ ___-ի N եզրակացությունը՝ ավագանին որոշում է. 1.Հայաստանի Հանրապետության Կոտայքի մարզի Բյուրեղավան համայնքին սեփականության իրավունքով պատկանող Հայաստանի Հանրապետության Կոտայքի մարզի Բյուրեղավան համայնքի Բյուրեղավան քաղաքի 07-003-0020-0045 կադաստրային ծածկագրով հողամասից 0.04219 հեկտար մակերեսով էներգետիկայի, տրանսպորտի, կապի, կոմունալ ենթակառուցվածքների նպատակային նշանակության հողամասի նպատակային նշանակությունը փոխել բնակավայրերի նպատակային նշանակության հողերի, գործառնական նշանակությունը՝ բնակելի կառուցապատման հողերի:
2.Հայաստանի Հանրապետության Կոտայքի մարզի Բյուրեղավան համայնքին սեփականության իրավունքով պատկանող Հայաստանի Հանրապետության Կոտայքի մարզի Բյուրեղավան համայնքի Բյուրեղավան քաղաքի 07-003-0020-0045 կադաստրային ծածկագրով հողամասից 0.05781 հեկտար մակերեսով բնակավայրերի նշանակության ընդհանուր օգտագործման հողամասի գործառնական նշանակությունը փոխել բնակավայրերի նպատակային նշանակության հողերի, գործառնական նշանակությունը՝ բնակելի կառուցապատման հողերի:
3. Բյուրեղավան համայնքի ղեկավարին՝ 1)սույն որոշման 1-ին և 2-րդ կետերում նշված հողամասերի նպատակային և գործառնական նշանակությունների կատարված փոփոխությունների մասին 10-օրյա ժամկետում օրենսդրությամբ սահմանված կարգով տեղեկացնել Կադաստրի կոմիտեի անշարժ գույքի գրանցման միասնական ստորաբաժանմանը և Հայաստանի Հանրապետության Քաղաքաշինության, տեխնիկական և հրդեհային անվտանգության տեսչական մարմնին՝ կցելով սույն որոշման սահմանված կարգով հաստատված պատճենները. 2)սույն որոշման 1-ին և 2-րդ կետում նշված hողամասերի նպատակային և գործառնական նշանակությունների փոփոխությունները պետական գրանցում ստանալուց հետո ներառել ընթացիկ տարվա հողային հաշվեկշռում:
4. Սույն որոշումն ուժի մեջ է մտնում ստորագրման օրվանից: |