ՀՀ տարածքային կառավարման և ենթակառուցվածքների նախարարության կողմից մշակված և փորձնական գործարկման փուլում գտնվող ՀՀ տարածքների համաչափ զարգացմանը միտված հարթակը՝ https://www.regions4growth.am/ , (այսուհետ՝ Հարթակ) նպատակ ունի ներկայացնել համայնքների համաչափ սոցիալ-տնտեսական զարգացման ուղղությամբ պետության կողմից վարվող քաղաքականությունը, ենթակառուցվածքների և ՀՀ տարածքների համաչափ զարգացմանը միտված միջազգային կազմակերպությունների ֆինանսավորմամբ/ համաֆինանսավորմամբ իրականացվող ծրագրերը:
Բացի այդ, Հարթակը թույլ կտա պատկերացում կազմել ՀՀ մարզերում առկա ռեսուրսային պոտենցիալի մասին, որի արդյունավետ գործարկումը հիմք կհանդիսանա նպատակաուղղված և մրցունակ գործունեություն ծավալելու համար:
Սույն Հարթակի միջոցով յուրաքանչյուր փորձառու կամ սկսնակ գործարար հնարավորություն կունենա իր բիզնեսը ստեղծելու, վերագործարկելու, ընդլայնելու համար ներգրավել ֆինանսական միջոցներ, տեղեկանալ բիզնես գործունեության համար տրամադրվող պետական աջակցության գործող գործիքակազմի մասին:
Բացի այդ, Հարթակում ներդրումային համաժողովների, մասնավորապես, «Իմ քայլը հանուն մարզի» մարզային համաժողովների շրջանակներում ներկայացվող ծրագրերի ներկայացումը և պարբերական թարմացումը կապահովի ացկացվող համաժողովների շարունակական արդյունքը երկարաժամկետ հեռանկարում: