Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Քաղաքացիական օրենսգրքի 594-596-րդ հոդվածների, հիմք ընդունելով համայնքային սեփականություն համարվող բնակելի ֆոնդի և ոչ բնակելի տարածքների պահպանման, սեփականաշնորհման, բնակկարիքավոր ընտանիքների հաշվառման և բնակարանային հարցերով զբաղվող հանձնաժողովի առաջարկությունը և Կարո Արամի Հարությունյանի դիմումը՝ ավագանին որոշում է.
1.Հայաստանի Հանրապետության Կոտայքի մարզի Բյուրեղավան համայնքի սեփականություն համարվող Բյուրեղավան քաղաքի Օղակաձև փողոցի 50 շենքի 15.87 քմ ընդհանուր մակերեսով 55 բնակարանը (նախկին 4-րդ հանրակացարան, թիվ 62 սենյակ) անհատույց օտարել (նվիրել) Կարո Արամի Հարությունյանի երկու անձից բաղկացած ընտանիքին.
ընդհանուր բաժնային սեփականատերեր համարել՝
Կարո Արամի Հարությունյանին՝ ծնված 1967 թվականի փետրվարի 06-ին,
Գայանե Սարգսի Հարությունյանին՝ ծնված 1970 թվականի սեպտեմբերի 11-ին:
2.Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Կարո Արամի Հարությունյանի կողմից:
3.Սույն որոշումն ուժի մեջ է մտնում ստորագրման օրվանից: