Համաձայն Քաղաքացիական օրենսգրքի 188-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-13-րդ կետերի, 2005 թվականի դեկտեմբերի 29-ի N 2387-Ն որոշմամբ հաստատված կարգի 53-րդ և 55-րդ կետերի ու 2003 թվականի ապրիլի 17-ի N 470-Ն որոշման, հաշվի առնելով, որ ծածկերը, աստիճանը, հենապատերն ու պարիսպները կառուցված չեն ու չեն գտնվում Հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ և հիմք ընդունելով N 05092018-07-0021 սեփականության վկայականն ու Գրիգոր Ազատի Սիմոնյանի դիմումը` որոշում եմ.

1. Մարզ Կոտայք, համայնք Բյուրեղավան գյուղ Նուռնուս այգեգործական զանգված 41 հասցեում գտնվող անշարժ գույքը վերահասցեավորել.

Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Գարուն թաղամաս 2-րդ փողոց 41:

2.Գրիգոր Ազատի Սիմոնյանին սեփականության իրավունքով պատկանող Հայաստանի Հանրապետություն Կոտայքի մարզ համայնք Բյուրեղավան գյուղ Նուռնուս Գարուն թաղամաս 2-րդ փողոց 41 (ծածկագիր՝ 07-051-0110-0017) հասցեի բնակավայրերի նպատակային նշանակության բնակելի կառուցապատման հողամասում ինքնակամ կառուցված բնակելի նպատակային նշանակության ընդհանուր 49.1 քմ արտաքին (49.1 քմ ներքին) մակերեսով ծածկերը, աստիճանը, հենապատերն ու պարիսպները ճանաչել օրինական:

3.Գրիգոր Ազատի Սիմոնյանին` համայնքապետարանի 900105202213 հաշվեհամարին վճարել 32406 (երեսուներկու հազար չորս հարյուր վեց) դրամ՝ ընդհանուր 49.1 քմ արտաքին մակերեսով ծածկերի, աստիճանի, հենապատերի և պարիսպների օրինականացման վճար:

4. Սույն որոշման ընդունման օրվանից օրինականացման համար սահմանված վճարը 60-օրյա ժամկետում Բյուրեղավանի համայնքապետարանի համապատասխան հաշվեհամարին չվճարելու դեպքում որոշումը համարվում է ուժը կորցրած:

5.Հաստատել սույն որոշման անբաժանելի մասը կազմող «ԳԻՍ-ԱՐՏ» սահմանափակ պատասխանատվությամբ ընկերության տված վերոնշյալ հողամասի ու շինությունների հատակագիծը:

6. Դիմել Կադաստրի կոմիտեի սպասարկման գրասենյակ` պետական գրանցում կատարելու համար:

7. Սույն որոշումն ուժի մեջ է մտնում ստորագրման օրվանից: