|
2018թվականի հոկտեմբերի 08-ին, ժամը 17:00-ին Բյուրեղավան համայնքի Բյուրեղավան բնակավայրում՝ Բյուրեղավանի համայնքապետարանի թիվ 1 վարչական շենքում, տեղի ունեցավ համայնքի ավագանու որոշումների նախագծերի և այլ առաջարկությունների նախնական քննարկման համար ստեղծված գիտության, կրթության, մշակույթի և երիտասարդության հարցերի մշտական գործող հանձնաժողովի (այսուհետ՝ Հանձնաժողով) նիստ, որին մասնակցում էին նախագահ Վահրամ Ապրեսյանը, անդամներ Սլավիկ Հարությունյանը, Գեորգի Աղաջանյանը, «Բյուրեղավանի արվեստի դպրոց» ԱՈՒՀ ՀՈԱԿ-ի տնօրեն Նարինե Զաքարյանը, փոխտնօրեն Սիլվա Մուկոյանը, Հանձնաժողովի աշխատանքներին աջակցող համայնքապետարանի աշխատակազմի առաջին կարգի մասնագետ Զարուհի Ապրեսյանը:
Նիստը վարում էր Հանձնաժողովի նախագահ Վահրամ Ապրեսյանը:
Օրակարգում՝
1.«Բյուրեղավանի արվեստի դպրոց» արտադպրոցական ուսումնական հաստատություն համայնքային ոչ առևտրային կազմակերպությունը Շառլ Ազնավուրի անվամբ անվանակոչելու մասին,
2.Հայաստանի Հանրապետության Կոտայքի մարզի Բյուրեղավան համայնքի ավագանու 2017 թվականի դեկտեմբերի 14-ի N 13-Ա որոշման մեջ փոփոխություններ կատարելու մասին:
Օրակարգի 1-ին հարցի շուրջ Սիլվա Մուկոյանը ներկայացրեց, որ համայնքի ղեկավարի առաջարկությամբ որոշվել է «Բյուրեղավանի արվեստի դպրոց» ԱՈՒՀ ՀՈԱԿ-ը անվանակոչել ֆրանսիահայ նշանավոր երգիչ, երգահան Շառլ Ազնավուրի անվամբ՝ «Բյուրեղավանի Շառլ Ազնավուրի անվան արվեստի դպրոց» արտադպրոցական ուսումնական հաստատություն համայնքային ոչ առևտրային կազմակերպություն: Նրա խոսքով՝ Շառլ Ազնավուրն այն եզակի հայերից է, որ մեծ պատիվ է դպրոցը նրա անունով անվանակոչելը: Արվեստի դպրոցն էլ իր հերթին, իր աշխատանքով վաստակել է կրելու աշխարհահռչակ հայի անունը:
Օրակարգի 2-ին հարցի շուրջ Նարինե Զաքարյանն ասաց, որ դպրոցում բացվել է փողային բաժին և անհրաժեշտություն է առաջացել ընդունել նոր դասատու: Հաստիքացուցակում փոփոխություն կատարելու կարիք կա:
Որոշվեց՝
-
հավանություն տալ «Բյուրեղավանի արվեստի դպրոց» արտադպրոցական ուսումնական հաստատություն համայնքային ոչ առևտրային կազմակերպությունը Շառլ Ազնավուրի անվամբ անվանակոչելու մասին որոշման նախագծին և ներկայացնել ավագանու նիստին,
-
հավանություն տալ Հայաստանի Հանրապետության Կոտայքի մարզի Բյուրեղավան համայնքի ավագանու 2017 թվականի դեկտեմբերի 14-ի N 13-Ա որոշման մեջ փոփոխություններ կատարելու մասին որոշման նախագծին և ներկայացնել ավագանու նիստին:
|